وحشتكم مش كده
قولت انزل وصفة لساندويتشات عشا و دى آخر تفانينى
و ممكن تاخدوها معاكم النادى او الشغل او المدرسة للولاد
او الرحلات
صدور او افخاذ دجاج مقطعة شرائح طولية رفيعة
منقوعة قبلها بيوم فى
زبادى و ملح و فلفل و جنزبيل مطحون و خل او ليمون
و باربيكيو صوص و ده سر الطعم
النقع قبلها بيوم بيدى طعم خرااااااااااافى
و ياريت نجهز مايونيز و مستردة لدهن الساندويتش و ده تبعا للرغبة طبعا
جوانح بصل تدبليها فى معلقتين زيت
خلى بالك اوعى يتحمروا منك
يدبلوا بس
نزلى عليهم بعد كده الفراخ و قلبى لغاية ما تستوى و هى على فكرة مش بتاخد وقت خالص
10 دقائق
تجيبى عيش لبنانى بعد كده و تدهنيه مايونيز لو بتحبيه و انا استعملت النوع اللايت عشان السعرات الحرارية
و تحطى الفراخ فيه و عليها شوية مستردة و تلفيه باحكام
قطعيه ترنشات بزاوية
و حطى خلة خشب فى كل قطعة عشان ماتفكش
ارجو ان يكون وقتى و مجهودى علم ينتفع به
الروابط المفضلة