ســـــــلام عليــــــــــكم
اليوم حابة اشارككم بطريقتي بفطاير الجبنة لذيـــــــــــــــــــــذة .....
أولا العجينة (وهي عجينة منـال العالم) :
- 3 أكواب طحين (لو شفتي انوا لعجينة لسه قوامها مو تمام ضيفي كمان)
- ملعقة كبيرة خميرة فورية
- معلقة صغيرة ملح
- نص معلقة صغيرة بكن باودر
- 2 معلقة كبيرة سكر
- ربع كوب زبادي
- ربع كوب زيت ذرة
- كوب ماء دافئ
الحشوة:
- تقريبا 450 غرام جبن موزريلا
- نص كوب جبن المبشور جاهز تبع البيتزا (اختياري)
- زعتر اخضر (اللي هو بيكون ورق)
على حسب الرغبة (كل ما كان اكتر كل ما كان اطيب)
- شوية فليفلة حمرة يابسة مطحونة (مو كتير)
-ملح
- 5 ملاعق كبيرة زيت زيتون
بتخلطي مقادير الحشوة كلها مع بعضها، في الوقت اللي بتكون العجينة
عم تستريح شوي تقريبا ساعة مو أكتر .. وابدأ شكلي الفطاير على ذوقك
انا بعملها على شكل زوارق بتطلع روعة وبتضمني ما تطلع الجبنة من العجين، وكمان ممكن على شكل كرواسان
وطبعا لا تنسي تدهني العجين بالبيض قبل ما تدخليها على الفرن مشان تلمع
اليكم الصـــورة ... وان شاء الله تعجبكم وتجربوها وتدعولي الله يعينني اني
اتعلم فن الطبخ شوي شوي حتى اكون جاهزة بعد 3 شهور ونص على زواجي ههههه
^
^
^
^
[CENTER]طبعا انا اسفة انو ما عندي صورة فيها بس فطاير الجبنة لاني نسيت
اصورها لحالها ... بس كل اللي بالصحن من شغلي وان شاء الله رح
اكتبلكم الوصفات كلها....بس حاليا انتوا طلعوا بس على زورق الجبنة والكرواسان .. لانو هنن المقصودين بالكلام سابقا والف صحة وهنا وعافية
الروابط المفضلة