النهاردة معايا
قرقيش او منين ومعاهم شابور وكمان بيتزا
كلهم بموضوع واحد للمسابقه
اولا المنين
المقادير
كيلو دقيق
نص كيلو سمن
معلقة كبيرة شمر
معلقه كبيرة يانسون
ذرة ملح
خميرة مذابة بمعلقة سكر
ربع كوب لبن لو احتاج العجين لو محتجش نكتفى بالسمنة والماء المذاب به الخميرة
وممكن نص معلقة بيكنج بودر
الطريقة
نغلى السمنة على النار غليان من غير احتراق
ونحط على الدقيق وذرة الملح ومعاه البيكنج
وبعد غليان السمنه نحطها على الدقيق ونقلبها بمعلقه خشب ولازم العجينه تفور مع السمنه
وبعد منقلبها ونحط الخميرة نشوف تماسك العجينه لو احتاج لبن او لا
ونشكلها ونسويها
الشابورة
كنت اول مرة اعملها والطريقه من احدى المنتديات الاخرى
2 كوب دقيق
ملعقتان كبار من اللبن البودرة
ملعقة كبيرة من الكمون أو اليانسون (حب وليس مسحوق)انا فضلت اليانسون
ملعقة كبيرة من البيكنج باودر
من أربع إلى خمس بيضات
فانيليا
ربع كوب سكر
كوب زيت
الطريقة
تخلط المكونات الجافه مع بعض
يضرب البيض والسكر والفانيليا والزيت ويضافوا على الدقيقه وبمعلقه او مضرب نخلطهم (زى الكيك)
ندهن الصنية زيت ونحط الخليط والفرن مسخن من قبلها
بعد السوى
تقطعها شرائح طخينه ونحمصها تانى فى الفرن تاخد لون من كل الجوانب
للاسف عندى صورة واحده وصورة بعد التقطيع متصورتش للاسف
البيتزا
المقادير
دقيق
ماء
لبن بودرة
خميرة ..سكر
زبادى
بيض
زيت
بسطرمة..تونه.. زيتون ..جبنه اى اصناف مفضله للبيتزا
الكميات مفتوحة المهم العجينه تكون لينه وصالحة للتشكيل
العجينة كما المعروف
تذاب الخميرة فى ماء وسكر
ويوضع الدقيق والملح ويخلط ونصب عليهم الزيت والبيض ونعجنهم بميه الخميرة تدريجيا الى ان تتشكل عجينة لينه
ونحط عليها المكونات الممفضله ونخبزها
دى البيتزا القلب بعد فرد العجينه بقالب الكيك وحددت بيتزا على شكل قلب
اما دى فالبيتزا المقلية اختراع جيه فبالى وطلع مش ممكن
جميل جداا وعجبنى جداا
البيتز تتقطع بقطاعه دوائر ونحشيها عادى زى المينى بيتزا ونقفلها على شكل هلال زى القطايف بس بدل منسويها فى الفرن هنقليها فى الزيت مغلى على نار هادية
ودى المينى بيتزا العادية
وبالهنا لينا طبعا علشان احنا اللى اكلناهم
وانتم ان شاء الله يعجبوكم
الروابط المفضلة