السلام عليكم
كل عام وانتي بخير
كنت عاوزه اقلك طريقتي في العزومات لعل وعسي تستفيدي منها
اولا انا لازم اقسم الاكل : طبق رئيسي معجنات لحوم مقبلات كدا يعني
ولازم الطبق الرئيسي يكون مثلا مكرونات كبسه او محاشي
في حالتك هنا مش عاوزه مكرونه يبقي لازم تحطي يا اما محشي او الكبسه يعني مثلا محشي فلفل وبتنجان لان بيدي كميه وبيلم معاكي الدور
المعجنات ممكن تعملي كالنولي واي حاجه تاني خفيفه مثلا رقاق او جلاش باللحمه لان الحوواوشي باحس انه مش مناسب وكمان ممكن تعملي بطاطس محشي باللحمه بيبقي شيك وحلو
اللحوم انا باحبذ يتحط مع اللحم او الفراخ كفته يعني مثلا حتعملي فراخ اعملي معاها كفته بالرز عاديه يعني
وكمان ياريت تحط طبق طبيخ ملوخيه باميه اوفاصوليا لان في ناس ما يحلي الاكل غير بالطبيخ او حتي ممكن تعملي صنفين منه
عندك المقبلات تحطي مخلل وشوربه واسهل حاجه شوربه اللسان عصفور وممكن تعمل باباغنوج وسلطه خضرا او زي ما تحبي انواع السلطات
وبعدين اخر حاجه الحلو يا ما تقدمي فاكهه او تجيبي بسبوسه جلاش او تعملي كيكه واسهل كيكه عندي كيكه بتاعه ريم الحلوه اللي بيسموها الشاتوه
وبس هيا دي افكاري واكيد البنات حيفدوكي ان شاء الله
وربنا يقويكي
المقبلات
الروابط المفضلة