اهلين حبيبابى طبعا بعد المعجنات قليلة السعرات جبتكلم خبزة ومعجنات لتعويض عن الاسابيع الى فاتت هههههه بمزح
اكيد اليوم جبتلكم لفة حلوة وجديدة شفتها من فترة فى النت وكل يوم اقول اعملها وانزلها ليك تشوفوها اتكاسل
بس يوم الاربعاء الى فات عملتها والحمد لله جت كويسة بس كانت مشلكتى فى الطاجين ما لقيت المقاس المناسب
فعملتها فى طاجين مسطح وهيا تحتاج لطاجين غارق شوية لتعطى الشكل المطلوب بس
اهو حاولت محاولة فاشلة ونشوفوا رايكم فيها
اولا:خبزة الوردة
طبعا اللفة شفتها من موقع اجنبى بس العجينه تختلف شوية وانا استخدمت عجينتى المعتادة بس ضفت ليها بيضة وحدة وعجنتها بالحليب للتماشى مع الوصفة وانا ساعات العجينة متاعى اضيفلها بيض مش مش ديما حسب نوع المعجنات اللى بعملها وهذا تطبيقى المتواضع بالصور اتمنى يعجبكم
مقادير العجينة:
3اكواب دقيق
3 ملاعق حليب بودرة
ملعقة ونص خميرة
نص ملعقة بيكنق بودر
شوية ملح وملعقة او م ونص سكر
ملعقتين زبدة
بيضة وحده
وماء و حليب للعجن
الطريقة:
اولا ناخد الخميرة وندوفها فى نص كوب مية دافيه مع والسكر ونخليها لعند ترتفع وفى هذا الوقت نجيب الدقيق والملح والبكينق بودروحليب البودرة ونخلطهم مع بعض وبعدين نجيب الزبدة ونفركها كويس مع الدقيق وهذه خطوة مهمه ونضيف البيضة وبعدين لما الخميرة تترفع نضيفها عليها ونعجنها بالحليب كويس يعنى كل ما كان العجن اكثر بتكون اخف والذ ونشيبها تختمر ونقسمها ونعمل بيها الاشكال المطلوبة وبس.
نجى للطريقة وبالصور:
نقسم العجينة بعد ما تختمر الى كور متساوية تم نفرد كل وحدة ونحطها على جنب وندهنها بالزبدة وهكدا الى ان نصل الى خمس طبقات فوق بعض نضعهم فى الصينية ونقسمها من النص كما فى الصورة ونفتحها بحيت تصل
الى اطراف الصينية تم نكرر الخطوات من جديد ونفتحها ونضع فى النص كورة من العجينه بعدين نتركها تختمر نص ساعه ندهنا بالبيض والحليب ونرشها بالسمسم وحبة البركة وطلعت حلوة جدا وهشة.
هنا بعد من تخمرت ودهنها بالبيض والحليب
هذا شكلها فى الفرن
وهذا شكلها بعد ما نضجت
ها ان شاء الله تعجبكم والتطبيق مش ميه ميه زى ما قلت من الطاجين لازم يكون غارق ان شاء الله المرة الجاية ونشوف تعليقاتكم على التطبيق
الروابط المفضلة