كيفكم يا قمرات
لازم اعترف بفضلكم عليا اتعلمت منكم كتيير
باحبك كلكم
دي تطبيقاتي المتواضعة لعجينة العشر دقايق
طبعا مش هاضع روابط لانها من تعليمكم كلكم

اولا انا عملتها بالخميرة البيرة مش بالفورية مش باحب الفورية
ولان الدنيا حر خدت في التخمير اقل من نصف ساعة
في اول تطبيق عملتها وشكلتها وسوتها علي طول وكمان لم اغطيها فطلعت حلوة لكن ناشفة شوية
وفي تاني تطبيق تركتها في المرحلة الاولي حوالي ساعة وبعدين عجنتها وشكلتها وتركتها ايضا حوالي ساعة تخمر
وهنقول ساعة كمان في العجن والتشكيل يعني الوقت كله حوالي تلات ساعات ولما خرجت من الفرن غطيتها بفوطة وتركتها
النتيجة في المرة دي كانت اكتر من رائعة واللي اكل منها كان بيفتكرها جاهزة وهي طلعت ما شاء الله احلي من الجاهزة
والصور ظلماها بصراحة
بعد كل الرغي ده اترككم مع الصور



دعكت الخميرة بالسكر واضفت الماء الدافئ وذرة الملح والدقيق وتركتها تخمر
هنا بعد ما خمرت





وبعدين ضفت اليها باقي المكونات وعجنتها شوية

عملت منها مني بيتزا




وسينابون متواضع ورشيت عليه عسل نحل بعد خروجه من الفرن




ودي اشكال صغيرة بالزعتر والشمر لكن انا مدهنتش الوجه وعلشان كده حبة البركة لم تثبت عليه هي عجبتني لكن معجبتش البنات فعملوا فيها شوية تعديلات





شوفوا البنتين الحلوين عملوا فيها ايه بعد ما استوت فتحوها وحشوها جبنة ودهنوا الوجه صلصة وعملوها زي الميني بيتزا ودخلوها الفرن تاني خمس دقايق بصراحة كانت جميلة مع الزعتر والشمر اللي كانوا فيها وكان لازم علشان براءة الاختراع اكتب اساميهم معايا







========================================

وده تاني تطبيق اللي حكيت ليكم عليه

دي اشكال مختلفة منها محشية زيتون ومنها جبنة ومنها زعتر دهنت الوجه بالبيض المضاف اليه زيت وعلي الوجه حبة البركه






ودي ميني بيتزا





=======================================

ودي عجينة البيتزا اللي اتعلمتها ايضا واعتمدتها ونسيت طريقتي القديمة
وايضا باعملها بالخميرة البيرة هي تقريبا نفس مكونات عجيجة العشر دقائق لكن باضيف اليها لبن وبتتعجن مرة واحدة وتخمر براحتها
اسفة الصورة النهائية ضاعت





اتمني يعجبكم تطبيقي

اكبد با طنط عبنا
ماشاء اله تسلمى
معجنات روعه
انا كمان بالرغم من ان اسمها عجبنه العشر دقابق الا انى بتركها فتره تختمر وفتره بعد التشكبل
والنتبجه بتكون رائعه
بارك الله فبكى با طنط

ما شاء الله عليكي يا ست كليو يا أستاذة
معجنات غاية في الروعة .. و كفاية إنها من إيديكي الحلوة يا قمر
تسلمي و تسلم إيديكي حبيبتي و يعطيكي العافية يا رب
و تسلم إيدين كوكي و توتي و ربنا يخليهم لك و يخليكي لهم يا رب

ما شاء الله معجنات في غاية الروعه يسلمو دياتك يا بطه

ماشاء الله تبارك الله
شكلها مشهي جدا
تسلم ايدكي حبيبتى

ما شاء الله تبارك الرحمان

تشكيلة معجنات رووووووووووعة


تسلم يديك حبيبتي

و الف صحة يا رب

بسم الله ما شاء الله
تسلم ايدك حبيبتى معجنات روووووووووووووووووووعه
و تسلم يد كوكى و توتى ربنا يحفظهم و يبارك فيهم

بسم الله ماشاءالله عليكى

وتسلم الايادى الجميلة
تطبيقات مفيش احلى من كدة
واكيد طلما من ايديكى الجميلة هتكون اكثر من ررررررررررائعة

والف هنا وعافية على قلوبكم يارب

تسلم ايديك كليوبترا
و الف صحة و هنا
بارك الله فيك و في البنتين الله يحفظهملك