حبيباتي في ركن المعجنات المميز دائما اتعودت دايما اعمل البيتزا بعجينة منال العالم المميزة وهيه عجينتي المعتمدة من زمان بس بالامس دخلت على موضوع سائلة الرحمن ربنا يعطيها العافية وعجبتني اوي عجينتها قلت اجربها واعمل بيها معجنات صغيورة كده للاولاد.
وبصراحة كانت النتيجة حلوة اوي والعجينة فعلا مميزة ودي كانت اول مرة استخدم خميرة بيرة وعجبتني فعلا وتفاصيل العجينة ومقاديرها في رابط سائلة الرحمن التالي:
http://www.lakii.com/vb/showthread.php?t=563039
استخدمت نفس المقادير للعجينة بس احتاجت معي سائل زيادة للعجن لان الدقيق بيختلف حسب نوعه واضفت بس 1/2 ملعقة صغيرة بصل بودرة ورشة زعتر وثوم بودرة للنكهة وفردتها زي ما هو واضح بالصورة
والتوبينج بقى عادي في الصورة واضح
لحم مفروم معصج- جبن رومي مبشور- جبن موزاريلا- بصل احمر مقطع مكعبات ومدعوك مع ليمون وخل ومنزوع من ماؤه - فلفل الوان مكعبات- طماطم منزوعة الماء مكعبات مدعوكة بقليل من الملح ومصفاة جيدا ايضا- هوت دوج مقطع شرائح ومشوح في قليل من الزيت وقطعت قطع طويلة منه لالف عليها شريط رفيع من العجينة لان اولادي بيحبوها اوي كما هو واضح بالصورة ايضا
العجينة قطعتها دوائر وقلوب وشرائط رفيعة للفها على الهوت دوج وكمان قوارب وما تبقى من العجينة فردته ودهنته بالصلصة ورشيت علية رومي وموزاريلا وزعتر ولفيته رول وقطعته زي السينبون وصفيت كل ده في صاجين وتركتهم يرتاحوا ربع ساعة وده شكلهم
بعد ما ارتاحوا دخلتهم فرن حرارته 200 لمدة 10 دقائق ثم اخرجتهم ورشيت الموزاريلا ودخلتهم الفرن مرة تانية حتى تسيح الجبنة حوالي 3 دقائق ثم اخرجتهم وده شكلهم ومعلش الموزاريلا اللي وقعت في الصاج بين قطع البيتزا دي ملخبطة الشكل بعد ما تحمرت بالفرن
غطيت البيتزا 10 دقائق بفوطة لتحافظ على طراوتها ثم ننقلها طبق التقديم وده الشكل النهائي حاجة كده على الماشي يا رب تعجبكم وتعجب سائلة الرحمن،،،
الروابط المفضلة