السلام عليكم حبيباتى
وأخيرا حلت مشاركتى بالأسبو ع الخامس و الأخير
اتمنى ان تنال استحسانكم
طبعا مشاركه بسيطه و لكن انا التزمت بمشاركتى على مدار الخمس اسابيع
عشان ام البنات ورواد و ام ليانه معاهم عصايه كبيره
قولت للمشاركه نعم و للضرب با لعصا
لالالالالالالالالالالالالالالالالالالا
عملت ايه انهارده
فطائر الدجاج و النقانق بالبصل والتوابل
المقادير
عجينتى المعتمده الا و هى
3كوب دقيق
كوب زبادى
ثلث كوب زيت
ملعقه ص ملح
ملعقه صغيره بيكنج بودر
2ملعقه كبيره سكر
خميره فريش بحجم عين الجمل مدوبه فى ملعقه ص سكر واربع ملاعق ما دافىء
او ملعقه خميره بودر
وماء دافى حسب الحاجه وحتى تختلط المكونات و تصير عجينه ملساء
نخلط المكونات كلها السابقه حتى تتكون عجينه كهذه وتدهن بالزيت
ونسيبها تخمر من ساعه الى ساعه و نصف
وتصبح بالشكل ده
وفى اثناء التخمير
نقوم بتحضير الحشوه عباره عن نقانق وفراخ مخليه و توابل وبصل كما يحلو لكى
نضع على النار البصل حتى يدبل
وعليه الفراخ و نسيبها 10 دقائق
و بعدين النقانق و نقلب ونطفى عليهم و نسيبهم يبردوا
وبعدين نفرد العجين ونحشيه با لحشوه السابقه
ونلفه بشكل اسطوانى
ونشكله بالشكل اللى احنا عايزينه
ونسبه يخمر فى الصينيه تانى
وندهن وشها بصفار البيض +ملعقه لبن و رشه فلفل وندخلها الفرن على 180 درجه فى الوسط طبعا نسخن الفرن قبلها بربع ساعه
وده الشكل بتاعها ما شاء الله ولا قوه الا بالله
وتقدم با لشكل التالى
ومع احلى كوب عصير برتقال فى العشا وكمان دونات بالشوكولا البنى و البيضا
إيه رأيكم حلوه الفطائر ولا ايه
الروابط المفضلة