بسم الله الرحمن الرحيم
السلام عليكم ورحمة الله ....
اخواتى الفاضلات ...جربت العجينة الخاصة بالشيف منال العالم ...واللى ادرجت اختنا ام البنات رابطها وهو
http://www.lakii.com/vb/showthread.p...E1%DA%C7%E1%E3
انا عملت تغيير بسيط انى عجنتها بالزبادى...كوب صغير + مع كل المكونات اللى مذكورة فى الوصفة (حتى اللبن البودرة لانها مرة قالت انه نوع من المحسنات للعجينة ).....وعملت منه مجموعة من المعجنات للتنويع...
اقماع وحشيتها لبنة مخلوطة مع جبنة بيضا ورشيت عليهم سماق...اعطاها لون رهيب
مينى بيتزا عشان تكون سهلة (كل واحد ياخد القطعة الخاصة بيه عشان ما اتعب نفسى فى تقسيم الحجم العائلى )
خلية هوت دوج اه ما تستغربوا حشيت العجينة بالهوت دوج وقطعتها ورصيتها قريبة من بعض ولما تخمرت ....انعدمت المسافة بينهم وصارت خلية هوت دوج
ملاحظاتى
العجينة ممتازة ما شاء الله ...ولما اخرجها من الفرن اغطيها بقطعة قماش نظيفة حتى تحتفظ بطراوتها
المينى بيتزا والاقماع مش بتاخد وقت فى الفرن (انتبهى حتى ما تتحرق)
بالنسبة للعجينة نفسها اضع كل المقادير السائلة كاملة والدقيق اضعه بالتدريج(يعنى ممكن احتاج 4 كوب دقيق حسب نوعه ) حتى تلم العجينة نفسها وتترك جوانب الاناء واظل اعجن حتى تتكون كرة متجانسة مع بعضها واتركها لتخمر واشكلها ثم اخمرها تانى (خطوة مهمة لهشاشة المخبوزات )
احب ان اشكر الاخت ام ليانة لتعاونها معى وتشجيعها لى
طلب صغير لا تدققوا فى شكل التقديم كنت مستعجلة ...وكمان الصور بكاميرا الموبايل ولذلك غير واضحة ...كمان حاولت اصغرها بس لم يكن فى الامكان احسن مما كان
والسلام عليكم .....واترككم مع الصورة للتطبيق المتواضع
الروابط المفضلة