السلام عليكم ورحمة الله
ازيكن يا وردات المنتدي
جينا للاسبوع التاني الغني بالكلسيوم والبروتين
وانا من عشاق الاجبان بكل انواعها
الاسبوع ده اتاح لي فرصة تجربة
وصفتين كان نفسي اعملهم
من زمان والحمد لله قدرت
اشارك بها يارب
تنال اعجابكن
كعكة دانش من الشرح يمكن صعبة لكن بجد اسهل كتير من
الباف بستري ولا تحتاج لعجن وسهلة الفرد واخف في الطعم عملت منها الكرواسون
وكان ذي الجاهز تماما بشهادة زوجي ا لعزيز
المقادير الجافة
2ونصف م ص خميرة
ربع كوب سكر
2ونصف كوب دقيق
م ص ملح
المقادير السائلة
تلتين كوب لبن خالي الدسم 150 مللي
بيضة في درجة حرارة الغرفة
ربع كوب ماء
كوب زبدة غير مملحة باردة و مقطعة مكعبات كبيرة انا نسيت وقطعتها صغير
![](http://www.arabspc.net/upload/pic/uploads/ee23b1d861.jpg)
مقادير الحشوة
نصف كوب جبنة كريمة انا استخدمت جبنةمثلثات
ربع كوب سكر
2م ك كريمة حامضة او قشطة
نصف م ص فانيللا
فراولة او مشمش او خوخ او برقوق مقطعين
الطريقة
تخفق الخميرة مع اللبن والماءوالسكروالبيضة
ونتركهم علي جنب
![](http://www.arabspc.net/upload/pic/uploads/3e74a56cb3.jpg)
في العجانة (انا استخدمت الفود بروسيسر)
نخلط الدقيق والملح
علي سرعة بطيئة نضيف الزبدة ونخلطها لمدة 30 او 45 ثانية
المفروض ان الزبدة لاتذوب كلية هنلاحظ وجود حبيبات من الزبدة
نضيف خليط الخميرة ونعجن فقط لغاية ما يمتزجو مع بعض
نضع العجينة في وعاء ونغطيها نتركه في الثلاجةعلي الاقل اربع ساعات او ليلة كاملة
ملحوظة: سامحوني ما قدرتش اصور خطوات فرد العجينة لان ا لجهاز
كان عطلان وانا بستخدم الويب كام
ولانها مهمة صورت في عجينة اخري بس مش الدانش
علي سطح مرشوش دقيق نفرد العجينة مستطيل طويل
نزيل بواقي الدقيق ان وجد ونطبق العجينة علي نفسها تلات تنيات
نلف المستطيل بحيث الطرف الطويل يكون في مواجهتناونفردها تاني مستطيل
ناخذ الطرفين القصار في مواجهة بعض كما في الصورة
![](http://www.arabspc.net/upload/pic/uploads/2a32f8882e.jpg)
ونطبق مرة تاني
نلف المستطيل بحيث الطرف الطويل يكون في مواجهتناونفردها مستطيل ونطبقها علي نفسها تلات تنيات
![](http://www.arabspc.net/upload/pic/uploads/5512359ad9.jpg)
و نلفها في كيس بلاستيك و نبردها ساعتين ثم تستخدم
وممكن نخزنه في الفريزر
نخفق الجبنة و السكرونضيف الكريمة والقشطة والفانيللا
![](http://www.arabspc.net/upload/pic/uploads/45c3650fb7.jpg)
نفرد العجينة سمكها حوالي نص انش او سم
وتقطع مربعات
ده شكلها من قريب هنلاحظ حبيبات الزبدة
ندهن ورق زبدةاو فويل علي صينية الخبز نضع المربعات ونحشيها ونرتب الفاكهة ونشكلها حسب الرغبة
نتركها تخمر 45 ق
![](http://www.arabspc.net/upload/pic/uploads/30aaf88a5d.jpg)
ثم تخبز في فرن حر 350 لمدة 20 و 25 ق
![](http://www.arabspc.net/upload/pic/uploads/5380cc0b20.jpg)
لحقت اصور قبل السطو من حارث
اشكر حسن متابعتكن واتمني ما كونش مملة واكون ضيفة خفيفة
يتبع باذن الله
الروابط المفضلة