بسم الله الرحمن الرحيم
كيفكم صبايا شو الاخبار
مع انه كمبيوتري بنازع حلفت يمين انزل هاي الوصفه قبل ما اوديه على المشفى
ربنا يشفيه على طول او يميته على طول ههههههههه واخلص منه
عندي اليوم سمبوسك مممممممم شو طيبه بدنا نقدمه بصحن نوكلها ونوكل الصحن معها اتفضلووووووووو
اول شي بدي افرجيكم طريقة الصحن بالصور وهاذا قبل فتره اخذت طريقه عمل الصحن من منال العالم مشكووووووووره
هسا بدنا نعمل السمبوسك يلي دمها خفيف كتير
وهي احلى صحن سمبوسك مني هديه
المقادير
1 كيلو طحين
400 غم مارجرين
2 بيضه
1 فنجان قهوه زيت مازولا
1 كاس ماء مثلج
رشة ملح
للحشو
جبنه بيضاء نابلسيه
نعنع ناشف
الطريقه
نبس الطحين مع الزبده اللينه والملح والبيضه
ثم نضيف الماء ونعجن حتى نحصل على عجينه حلوه كتير للشغل لينه
نترك العجينه ترتاح 10 دقائق
نرقها بالشوبك ونقطعها دوائر بواسطة كاس
نحشي كل دائره بالجبنه ونسكرها مثل حبة القطايف اولا ثم نضع طرف الحبه من الجهه اليمنى بين الاصبعين السبابه والابهام ونبداء بثني الطرف الى الداخل يعني الى جهة صدرك ثنيات صغيره واحده على الاخرى حتى نحصل على هذا الشكل
نترك السمبوسك ترتاح 10 دقائق ثم نقليها بزيت مازولا ساخن
قليها لا ياخذ وقت ابدا بسرعه بتتحمر
الف صحه وعافيه يا رب
ان شاء الله يكون دمها خفيف على قلبكم هالوصفه
الروابط المفضلة