سلام عليكم
انهاردة الجمعة ... وانا الصراحة بحب اعمل يوم الجميعة حاجة خفيفة وسريعة ومش تاخد وقت على الغدا ... فياما بعمل بوفتيك او بانيه او سندوتشات كبدة او حاجة ... او سمك ... وفكرت انهاردة اني اعمل بيتزا في السريع كدا عشان جمزي بيحبها وصورتها في السريع وياااارب تعجبكم ...
وطبعا المقادير بطريقة المعجنات اللي دايما بعملها ...
اللي هيا دقيق
وشوية سكر
وشوية زيت
وشوية لبن بودرة وخميرة فورية وماء دافئ للعجن
والمفروض ذرة ملح بس انا نسيته )
بس المرادي حصلت معايا حاجة في العجينة .. انا كنت دايما بعملها بخميرة فورية ... بس كان جوزي من فترة جايبلي بالغلط خميرة بيرة كتيرة ماشاء الله فخفت تبوظ فقلت استخدمها المرادي ... واستخدمتها فعلا وطلعت بسم الله ماشاء الله والله فعلا تحفة اكتر من اي مرة استخدمت فيها الخميرة الفورية والصراحة مش عارفة السبب تماما ... لو حد عارف ليه ياريت يقولي بس بجد احلى ماشاء الله رغم اني خفت اوي لاني حسيت ان شكل العجينة لما خمرت مش زي شكلها بالخميرة الفورية ..ز
المهم طولت عليكم ...
اسيبكم مع الصور
دي العجينة بعد ما حطيتها في الصينية
ودي بعد ما حطيت عليها الصلصة اللي متسبكة بفصين ثوم ولما اتسبكت حطيت عليها زعتر ناشف او ريحان ناشف ... وطبعا ملحتها بملح وفلفل
ودي بعد ماقطعت فلفل اخضر وطماطم وبصل حلقات ورصيتهم
ودي بعد ما حطيت الزيتون المقطع حلقات
ودي بعد السوسيس الحلقات
ودي بعد ما حطيت الجبنة وبقت جاهزة على الفرن ...انا حطيت جبنة شيدر (جرين لاند ) بشرتها ..
ودي بقى لاول رد من الفرن ... وسخنة طازة ...
وبالهنا والشفا ليكم جميعا ...ياريت تقولولي رايكم ...
الروابط المفضلة