اعجبنى جدا موضوع عجينة الريتش بيك للاختى الكريمه ام يمنى وهاجر و كنت سبق و ارسلت ليها بعض الاستفسارات و جاوبتنى مشكوره
ودا رابط ام يمنى وهاجر
وامبارح انا و اخت زوجى جه فى بالنا نعمل باتيه للعشا و الفطار
فطلبت منى انى اعمله و قلت لما اجرب عجينة الريتش بيك و فعلا اخدت كل مستلزماته و مقاديرها
وكان التنفيذ فى بيت حماتى الله يشفيها....عشان كدا اعذرونى ان الصور قليله
طبعا صورت صورتين عالسريع و صورت صوره كمان لنصيب زوجى لما اخدته البيت عندى لانه مكانش موجود
بس فعلا العجينه طلعت تحفه و رفعت راسى قدامهم و كل اللى داقوها عجبتهم و كنت حشايها جبنه بيضاء بالشمر و حبة البركه و ريحتها كانت جنان
والعجينه فعلا تتاكل حاف من حلاوتها و كانت طريه و هشه جدا
تسلم ايدها اختى ام يمنى و هاجر و ربنا يباركلها فى بناتها و اسفه انى رغيت كتير و ادى الصور
الروابط المفضلة