بسم الله الرحمن الرحيم
ازيكم يا احلى اخوات في الله
من كام يوم كدة شفت موضوع حبيبتنا الغالية جدا.......الانسانة الذوق الجميلة ام نور، وانا من ساعتها وانا بايتة بحلم بيه، طبعا ماحدش مصري ومش مصري مش بيموت في الفطير المشلتت بتاعنا بس انا طبعا لاني زي العجلة ، خارجة من ولادة( هتكيلنا قصة حياتها خلصي، وكمان بتتلككي )
المهم قلت هيا مش ناقصة خلينا في المحشي واهو تغيير برضو ونوري الزوج العزيز الشطارة، ونرحم نفسنا من بتاع برة اما بيوحشنا الفطير
وقلت اجرب وبعت لحبيبة قلبي ام نور وقالتلي المقادير بالظبط
وتوكلت على الله وبدأت، وقعدت اعجن كتيييييييييييييييييييير، ومش بتوصل للنتيجة اللي في الصور، بعتلها تاني ربنا يكرمها قالتلي زودي المية لان الدقيق بيفرق
وفعلا زودت وماشاء الله بدات تبقى جميلة
ماتخافوش من تزويد المية هتشربها العجينة بس معلقة معلقة، وكل ما تشربها وتطرى وتلميها تاني لحد اما تحسيها بتمط زي العلكة، تسيبيها تريح شوية وتكملي لحد اما تشديها ما تتقطعش
وتعجني تاني، بس بصراحة هيا بتطلع عضلات، يعني اللي عندها استعداد لتمرينات رياضية
تعمله هههههههههههههههه او بالعجانة بقى
دة رابط الغالية ام نور
http://www.lakii.com/vb/showthread.php?t=448876
بس بصراحة والله العظيم وماليكوا عليا حلفان طلع تحففففففففففففة ما كنتش متوقعة خااااااااااالص لاني اصلي ماجربتوش قبل كدة، احلى من (تبيستي) بنات القاهرة عارفينه، الف مرررررررررررررة
انا حشيتها لحم مفروم وسوسيس وفلفل اخضر مقطع ، وطماطم وزيتون اسود مقطع، والوش بيضة مع زيتون اسود مقطع وفلفل اخضر وطماطام وجبنة شيدر
وادي الصور تشهد
ودي اما اتقطع بس قطعته بسرعة لانه كان سخن وبنتي كان بتعيط وجوزي كان هيرميها من الشباك، فقلت احقن دماء المسلمين
تسلم ايد ام نور يارب
يارب بحق ادان الفجر اللي قرب دة ، يحفظك ويباركلك ويخليلك نور وابو نور وترحعوا بلدكم بالسلامة يارب
اللهم امين
وجزاك الله كل الخير يا احليى اخت.
ونصيحة ليكم جربوه بجد يستاهل التعب
الروابط المفضلة