:بسم الله الرحمن الرحيم:
حبيباتى الوصفه دى انا مش نقلاها من حد
والله اعلم اللى اكلتها عندها جيباها منين
بس انا عملتها واستمريت آكل منها يوميا
حوالى 13 يوم متتاليه لانها لذيذه جدا
وبعدين لاحظ جوزى انى زدت حوالى 2كيلو
وعرفت انها كانت هى السبب لان مكانش فيه جديد فأكلى ,
نخش عليها علطول ....
المقادير:عدد 2بطاطس وسط مسلوقه +علبه تونه ك او علبه بيفى ك+حبتين طماطم,حبتين خيار,زيتون اسود مخلل,جزرمخلل +5ملاعق ك مايونيز+3 ك ملاعق مسطردة .......
الطريقه:نهرس البطاطس كويس ونضيف عليها التونه اوالبيفى حسب رغبتك ,ونضيف الميونيز والمسطرده ’نقطع الطماطم والخياروالزيتون والجزر مربعات صغيره ونضيفها ,نخلطهم كويس ،نحشى فى عيش كيزر وبالهنااااااا والتخنه
الوصفه دى حلوة جدا للاطفال وهيحبوها.....انا جربتها مره بالتونه ومره بالبيفى الاتنين حلوين ,ما تنسوش تدعولى بالزريه الصالحه يا حلوين
الروابط المفضلة