السلام عليكم
هلا حبيباتي
اليوم ان شاء الله بقدم لكم اكلة شعبية ليبية وخلينا انقولوا مصراتيه
اي من مدينة مصراته في ليبيا
ويارب يكون الشرح وافي

المكونات دقيق+ماء+شوي ملح
نعجن هالمكونات زين ماتكون يابسه واجد وماتكون رطبه و نخليها خمس دقايق ترتاح ونرجع نسبكها مره اخرى زين لين تكون عجينه حلوه مافيها تجاعيد وندهناها بالزيت ونتركها ترتاح ربع ساعة

بعدين انقرصوا العجينه بهذا الحجم

تو انجهزوا الروان وهو عباره عن زيت ودقيق وشوي ملح ويكون خاتر زي الصورة

تو ناخدوا قرصين انسوهن وبعدين انحطول بينهن الروان

ونلصقوهن على بعض

ونكملوا كل الاقراص

تو ولعي النار الغاز العادي او البريمس وحطي الطاوه وبين مايسخن انتي تكوني فردتي العجينة ( الفتات)


شوفوا سرعة التمديد وشطارة اللعب بالعجينة بكل خفة اللي مايقدر الله غالب عليه يفرده في صنية
وللعلم لازم تركزي على الحواشي ماتكون غليضه

لين تصبح رقيقة زي هكي

بعدين انحطوها في الطاوة او الحماس

ونرشوا عليها شوي زيت وراح تلاحضوا انها تنتفخ

وبعدين نلقلبوها وفي الغالب ما يكون محمر يادوب شوي بس مثل الصورة بس لو تحبي حمري شوي هذا لو تحبيه مقرمش


وبعدين انطبقوها ونديروها مثلث باش يطيبن الحواشي زين


وبعدين نشيلوها من الطاوة ونفرقوا الطبقتين عن بعض

تو كملنا كل المقدار

تو ممكن ناكلوه مع الفاصوليا او الشربة او الشاهي او المرق
انا سويت معه شاهي احمر بالمرامية
يالله تفضلوا
بسم الله

تسسسلم الايادى حبيبتى
شكلها لذيذه جدااااا

تسلم الايادي شكله رووووووووووووووووووووعة

ماشاء الله عليك يا بنت بلادى الفتات شكله ايسفه
تعرفى انى ما عنديش الروح مع الفتات ....وفتاتك روعه
توا انى كيف بندير هى اهئ اهئ اهئ اهئ

هي هي هي هي حصلت حصتي من الفتات المصراتي



والله تحفة ومش عادي بكل
وهيا لقطة يطيب من الجناب قالتها ليا بنوتة مصراتية ربي يحفظكم
راه الصونية ليا كلهااااااااااااااا
ايوه مدخلنيش بكل
ربي يسلم ايديك يا حبيبة وما ننحرمو من حركاتك القوية

ماشاء الله منظره تحفه
يسلموا ايدياتك

مـــــساء الـــورد..

تسلم الايــــــــــــــــااادي..

لكـ من مـــــ90ـــشاعركل الحب والــــــــود..

فعلا شطاره وخفه زى ماقلتى ويسلمو ايديك والله مايبى غير شوهيه سخونه مع رب والا عسل ف هالصقع واو منك وانتى الا منزله خبزه التنور والا انى غالطه؟

ما شاء الله راااااااااائع تسلم ايديك

بسم الله ماشاء الله علي الليبيات بنات بلاد وبنات المنتدى كله فلاحة علي اصولها الله يهنيكم جميييعا ويسعدكم

تحياتي