السلااااام عليكم و رحمة الله و بركاته
هاي اول مرة بنزل فيها موضوع بقسم الطبخ و ان شاء الله يعجبكم يا رب
مبارح عالعشا عملت صفايح لحمة شو طلعو طيبيييييييييييييين
و حبيت انزلها الكم
نبدا بسم الله
المقادير :-
نص كيلو لحمة مفرومة
حبتين بصل حجم وسط مبشورييييييين
سنين توم مدقوقين
حبتين بندورة مبشورين
حبة كبيرة فليفلة (فلفل رومي / فلفل بارد ) مبشور
فلفل حار مقطع دوائر
ربع كوب زيت زيتون
ملح
بهارات مشكلة ( زنجبيل مطحون ، قرفة مطحونة ، بهارات مشكلة )
ملح
الطريقة مع الصور .....
اول شي بنحط ربع كوب زيت زيتون بالمقلاية
بنحط البصل عليه و بنحركهم ليدبلو مع بعض
بنحط التوم و بنحرك لتطلع رييييحته
بعدين بنحط اللحمة
بنبهرها و بنملحها
لما تستوي و تنشف ميتها بنحط عليها البندورة و الفليفلة المبشورين ( الفليفلة بتعطي نكهة خيالية لا تستغنو عنها بالمرة)
و بنحركهم سوا
هلأ بنضيف الفلفل المقطع دوائر و بنحركهم لحد ما يتجانسو مع بعض url=http://www.0zz0.com][/url]
اخر شي بنحط معلقتين كبار طحينة و بنحركهم لحد ما تنشف المي تاعتهم
هلأ بنجهز العجينة و أنا استخدمت عجينة العشر دقايق
بنفرد العجينة و بنقطعها دوائر كبار شوي
قبل ما احشيها بمدها شوي لتسير بيضاوية
بنحط الحشوة بالنص
و بنسكر طرف
بعدين بنسكر الطرف التاني
او ممكن طريقة تانية انك تقطعي العجينة لدوائر بعدين تفرديهم بالفرادة على شكل بيضاوي بعدين تحشيهم
انا بالنسبة الي هاي الطريقة احسن
بعدين بندهنهم بيض و بنحطهم بصينية مدهونة زيت و بنخبزهم و بنحمرهم من فووق
(ما حدا يسألني شو المحروق اللي على جنب)
تم بحمد الله
يا رب تعجبكم الصفااايح و اتمنى تجربوها لئنها كتييييييير زاكية
و السلام عليكم و رحمة الله
هلأ استنوني بعد عشرين سنة عشان انزل موضوع تاني لئني تعبت من التحميل و التصغير و الكتابة
الروابط المفضلة