السلام عليكم ورحمه الله وبركاته
كل سنه وانتم طيبين وعيد سعيد انا عملت شاورما فراخ بطريقه معتمده عندي من زمن لكن نتيجتها احلى من اي مطعم
المقادير
ربع كيلو فراخ مخلية صدور
1 علبة زبادي
2م.ك طحينة
1م.ص ملح
1م.ص فلفل اسود
1م.ص بهار دجاج
1م.ص حبهان مطحون
1م.ص ثوم مدقوق ناعم
1م.ص بابريكا
1 بصلة متوسطه شرائح
2 طماطم مكعبات
3 فلفل اخضر حلو مكعبات
2م.ك سمن
عيش لبناني
سلطه طحينة
مخلل خيار
الطريقه
1 * نضيف كل التوابل والزبادي والطحينه وتقلب
2 * نضيف الطماطم والفلفل الاخضر والبصل والفراخ وتقلب جيدا وتترك ليله في الثلاجه
3 * نضيف السمن على الوش ونضعها في صينيه ونغطيها بورق الفويل وتدخل الفرن متوسط الحرارة لمدة 20 دقيقة لحد ما تسوى الفراخ
4 * نشيل الغطا ونسيبها تحت الشواية لحد الوش يتحمر
5 * نفصل العيش اللبناني الوجه من الظهر وندهنه بالطحينه ونضع المخلل ونحشيه بالشاورما ويلف ويوضع في التوستر
يقدم بالهنا والشفا مع بطاطس محمرة
طريقه سلطه الطحينه
المقادير
2 م.ك طحينة
1 م.ك خل
1 لمونه
ملح
كمون
شطه
ماء
الطريقة
نضع الطحينة مع الخل والليمون والملح والكمون والشطة وتقلب جيدا
نضع الماء بالتدريج حتى نصل للسمك المطلوب
الروابط المفضلة