حبيبتي ام ايمان عجينة العشر دقايق في البداية صحيح تكون طرية وتلزق .....استمري بالعجن من دون اضافة اي شي وباستمرار العجن راح تشوفيها تتماسك هذه الطريقة تحتاج الى عدة دقائق للعجن لا تملي
اضافتك للطحين اكيد راح يخرب الوصفة
جربيها وخبريني يا عسل
واكيد انت طباخة ماهرة لا تزعلي

مشكلتك ف الخميرة حبيبتي والله اعلم لما تكون نشيطة ونوعية كويسة بتخمر في نص او ساعة بالكتير كمان بعد ماتشكلي معجناتك اتركيها تخمر مرة تانية ومتضيفيش الماء دفعة واحدة شوش وشي بالتدريج لحد ماتحسي انك لميتي العجينة ولو فيه زيادات دقيق بعد ماتكون عجينتك بقت كةويسة لاتزيديها للعجينة وان شاء الله تبقى فل معاك
ومش لازم عجيمة العشر دقايق جربي اي عجينة تانية ف عجينة هند حلوة اوي وبسرعة

السلام عليكم
ما شاء الله
الصباايا ما قصروا
تمنياتى لك بالتوفيق

ربنا يبارك فيكوا يابنات ماشاء الله عليكو
على فكرة انا كمان زى أم إيمان وجربت اعمل العجينة أكثر من مرة وفشلت معايا ومن ساعتها ماجربتش اعملها تانى ابدا .. وحاولت اجرب اكتر من نوع دقيق وبرده مافيش فايدة

ومن ساعتها فقدت الأمل انى اعمل معجنات زى الاخوات فى المنتدى بس انا ان شاء الله ححاول اجرب النصيحة ده وربنا يبارك فيكوا وعيد سعيد يا ا حلى منتدى .

شكرا

حبيبتى الغاليه وكل من فشلت معه عجينه العشر دقايق او اى عجينة:
زى مالاخوات قالولك وأأكد اوووى على كلام اختنا لالاىلافندر
انا فعلا حصل معايابالضبط زيك وبعدين بمساعده الاخوات جزاهم الله كل خير وقفت على السر
العجن ثم العجن ثم العجن
كل ما عجنتى اكتر كل مانجحت اى عجينه معاكى
وكنت ف الاول باحط دقيق ولكن مع زياده العجن اكتشفت انه ماكنش ليه لازمة وانه بينشفها ويجمدها
ونصيحه تانيه معلقتين زبادى مع المقادير الاوليه بيدى نتيجه هااااايله
وبالنسبه لزوجك الدعاء ثم الدعاء
ادعيه يحببه فيكى وفى اكلك وف جمالك وف كل حاجه فيكى
ودعواتى ليا وليكى بالسعاده وحسن تبعل الزوج
آآآآآآآآمين

ام ايمان العسولة...روقي بالك انا جربت قبل كدة العجينة دي ومظبطت معايا سبتها خالص وبقيت اعمل عجينة تانية بتطلع في منتهي الجمال و بقيت اعمل بيها البيتزا والفطاير والسينبون وكل حاجة هقولك عالمقادير

2 كوب دقيق
ربع كوب زيت
حوالي 3 او 4 ملاعق كبار سكر(لو بيتزا اضيفي ملح اكتر وفلفل)
3 م كبار حليب بودرة
م ك خميرة فورية
م ص بيكنج بودر
ذرة ملح
اعجني علي قد ماتقدري وتلاقيها مبقتش تلزق ومتضفيش دقيق لان الدقيق الزيادة بينشفها
اتكريها تخمر ساعة وبعدين اشتغلي بيها زي ماتحبي والله جميلة وخفيفة جدا..لو هتعملي فطاير افردي العجينة بالنشابة وخليها رقيقة مش تخينة وقطعي دوائر بالقطاعة او اي كوباية عندك واحشي بقي لحمة مفرومة عليهم م معجون طماطم مع زيتون مقطع...او جبنة بيضاء مع زيتون وبقدونس ونعناع او اي حشوات تانية تحبيها

وحاولي تجربي اصناف بسيطة وجديدة وان شاءالله ربنا يبيض وشك قدام زوجك فيه مثلا كفتة داوود باشا جمييييييلة جدا ونتيجتها مضمونة ان شاءالله
عالعشا مثلا هاتي عجينة الباف باستري افرديها واحشيها اي حشوة تحبيها وابسطها جبنة بيضا ونعناع وبقدونس ونقطتين زيت زيتون ووبقية الباف باستري غطي بيها الحشوة وادهني وشها بيض ودخليها الفرم حاجة جديدة وسهلة وطعمها حلو جدا وجديد الباف باستري عاملة زي الماي فاي هشة خالص

صينية ارز بالبشامل والخضروات
بيكاتا بالمشروم
صينية بطاطس باللحمة المفرومة في الفرن
جلاش بحشوة لحمة مفرومة مع خضروات
اللزانيا ودي بجد رووووعة

فيه حاجات كتير سهلة بس انتي متياسيش