انا حبيت انزل طريقة الكرواسان والطريقة ديه انا كنت واخدة مقاديرها من موضوع هنا فلمنتدى بس والله نسيت الموضوع لمين وكمان مكانش بصور بس علعموم الله يجزاها كل خير علوصفة الروعة ديه بجد وسهلة كمان
فموضوعي هنا هيبقى بصور ان شاء الله وانا الحمدلله جربتها و من اول مرة طلعت معايا حلوة ما شاء الله وبقيت اعملها علطول

اولا.. المقادير
4 كوب دقيق
1كوب ماء
1|2 كوب زيت
1|2 سكر ( انا بقلله شوية عشان ميبقاش ظاهر)
2 معلقة كبيرة خميرة
1معلقة صغيرة بيكنج باودر
2بيضة
رشة ملح
2 معلقة زبدة (بضيفها عشان تطري العجينة بعد معجنها)

ثانيا.. الطريقة
اول حاجة نحط الزيت والسكر والماء حتى يغلي ( غلوة بسيطة مجرد اول غلوة) وبعدين نسيبه يبرد
ونخلط باقي المكونات مع بعض ونحط عليهم الخليط الاول بعد ميبرد ونتركها تخمر من 1|2 ساعة الى 1 ساعة ونفردها ونحشيها ونسبها تخمر حوالي نص ساعة

اسيبكوا مع الصور ..

هنا قبل متتخمر

وهنا بعد مخمرت

الجبنة البيضا

الجبنة الشيدر

فردت العجينة على شكل دائرة

قطعتها مثلثات وبعدين دهنتها زبدة على خفيف بتخليها طرية وحلوة وحطيت الجبنة الشيدر ولفيتها

شكلها بعد اللف

وبعدين سبتها تخمر شوية حوالي نص ساعة ودهنتها بيض ولبن محطوط عليهم فانيليا ورشيت سمسم علوش

شكلها بعد مطلعت من الفرن

وهنا شوفوا هشة ازاي

يلا قولولي رايكوا بقى
اول موضوع انزله هنا

يسلمو ايديك.....

تسلمي فسفورية على مرورك

يسلمو ايديك

تسلم ايدك شكلها مشهي

يسلمو اديكي حبيبتي

اممممم

حلووو

الطريقة سهلة

تسلم ايدك

ننتظر الجديد منك

ان شاء الله هيكون في المزيد
منورين الموضوع وجزاكم الله كل خير على مروركم

ما شاء الله طريقته حلوه وسهله وكمان شكله شهي الله يسلم ايديكي