هي انا رجعت وجبت معي كمشة معجنات بس شووووووووو ممممم رهيبة
العجينة صحية واستعملت فيها الطحين الكامل الاسمر
(لانو عندي اخو زوجي
وهو عندو مرض السكر ... بعيد عنكم وعن احبابكم ))
وهلق بلا كترة الحكي رح ابدأ بالشغل
المهم مقادير العجينة
اول شي نضع في كوب صغير ..ملعقتين ونص صغيرة خميرة
ومعها ربع كوب ماء دافي جدا
ونص ملعقة صغيرة طحين
ونص ملعقة صغيرة سكر
نحركها ونتركها مغطاة .. حتى تتفاعل جيدا
ويظهر الزبد على سطحها
والان نحضر
4 كوب طحين اسمر كامل بالنخالة
معه نضع رشة ملح
نحركهم .. ثم نعمل حفرة بالوسط
ونضع خليط الخميرة بالنص
ونحرك
ثم نضيف 2 بيضة مخفوقة
وكوب حليب دافي جدا
و3 ملاعق كبيرة زيت زيتون او زيت نباتي مو مشكلة
ونعجن جيدا جيدا
حتى تصبح متماسكة وملساء
نغطيها ونتركها في مكان دافئ حتى تختمر جيدا
لاحظوا الصورة والفرق بين العجينة قبل وبعد التخمير
ثم نشكلها
باي طريقة نريدها
ولا تنسوا كمان انو تدهنوها بصفار البيض
ونرش عليها شوية سمسم وحبة البركة
والاخرى نرشها بابريكا
او كمون حب صحيح
وهكذا نتفنن
وان شاء الله رح تدعولي
لما تجربوها
لانها رح تكون هشة ولذيذة ولا تنسو انها صحية
ومناسبة للجميع
اليوم انا استعملت حشوة الدجاج
عندي بقايا من شيش طاووق من مبارح
وضعتها بالفود برسسر
واضفت عليها جبنة شيدر صفرا
وجزر وفروم ناعم
وملح وبقدونس وفلفل وخلطتها منيح
وبعدين حطيت معاها شوية بزاليا وشوية فطر فريش
وكمان ذرة فريش اكواز صغيرة مقطعة ناعم
والان اترككم مع الصور
بس هااااااااا قولوا ما شاء الله
لا قوة الا بالله
الروابط المفضلة