السلام عليكم و رحمة الله و بركاته

حبيباتي و أخواتي
الله يسعد أوقاتكم جميعا"
من يومين نزلت بركن الطفولة و الأمومة موضوع لأعمال نفذوها أولادي الشاطرين
و ختمناها بالكانيلوني يلي كان المساهم فيه و المنفذ الأكبر ابني الصغير وسيم ..و الموضوع لعيون حبيبة قلبي أم البنين...
بس مشرفتي الغالية أم البنات، لاحظت غيابي عن ركنها و لحقتني و صارت تدور عليي لحد ما لقتني ، و طالبت بحقها بوصفة الكانيلوني على اعتبارها تخص هذا القسم، و طلبت مني أنزله هون...
و بما أني تلميذة شطورة و بتسمع الكلام
قلتلها حاضر يا أبلة
و لعيونها و عيون الحبايب إليكم الوصفة
أولا" عجينة الكريب أو البان كيك"
3 بيضات
2 كوب حليب
2 ملعقة زبدة
م ص ملح
1 كوب طحين
و لو حبينا نستخدم الوصفة لحشوات حلوة ...مثلا" قشطة.. كتيير بتطلع طيبة
بهالحالة نضيف 2 ملعة فانيليا
الطريقة:
* نخفق البيض مع الملح ، ثم الزبدة ، ثم الحليب و أخيرا" الطحين حتى نحصل على عجينة سائلة نوعا" ما...
نتركها ترتاح حوالي نصف ساعة ، ثم نبدأ باستخدامها.
نضع مقلاة التيفال على النار ( متوسطة الحرارة)
و باستخدام ملعقة كبيرة نبدأ بصب عجينة الكريب، يصبح لدينا رغيف صغير
مجرد ما يتحمر أول وجه نقلب لتحمير الوجه الثاني.
قياس الرغيف حسب الرغبة
أفضل القياس الصغير بيكون أسهل عند الأكل و خصوصا" اذا في ضيوف و عاملة وصفة حلوة
و بعد ما انتهينا ... هاد هو الكريب


معليش ما في خطوات لهذه العملية لأني ما كنت ناوية أنزل الموضوع بإسمي .زعلى أساس أنزل عمل وسيم بس
بس ان شاءالله يكون شرحي واضح، و أنتو طبعا" شاطرين و بتفهموا عالطاير..
طيب نجي للجد و نطبق وصفة الكانيلوني
المكونات:
نصف كيلو لحمة ناعمة مع القليل من الدهن
بصلة مفرومة ناعمة
جزرة مبشورة
ذرة مسلوقة ( هذا اقتراح وسيم)
ملح..فلفل أسود..بابريكا..زنجبيل مطحون
الطريقة
في وعاء على النار نضع 2 ملعقة زيت نباتي و نقلب بها اللحمة و البصلة و لما تذبل البصلة و يتغير لون اللحمة نضيف الجزر المبشور

نضيف الملح و البهارات و نصف كوب ماء.
نخفض النار..نغطي الوعاء و نتركها نصف ساعة تستوي
نضيف الذرة المسلوقة و نرفعها عن النار

نتركها حتى تبرد ثم نبدأ بالحشو

أظن شايفين أنو يلي عم يطبخ وسيم
شوفوا كيف بتحطوا الحشوة و بترتبوها لحتى تطلع اللفة مظبوطة
بعد أن ننتهي من اللف و ترتيب الكانيلوني في طبق البايركس
نضع عليها الصلصةو هي عبارة عن:
( 2 ملعقة كبيرة معجون بندورة...2 ملعقة كبيرة كاتشاب...ملعقة صغيرة دبس فليفلة..رشة ملح )
نخلطها جيدا" و نسكبها فوق الكانيلوني و أخيرا" نرش جبنة الموزارلا المبشورة

الآن نضعها في فرن متوسط الحرارة نصف ساعة لبين ما تاخد شوي من الصلصة و تذوب الجبنة
و بتكون الوصفة جاهزة و بانتظار الحبايب ياكلوها

و هاي هي طبخة ماما وسيم
ماما أشرفت و وسيم نفذ
و لو اجيتوا رح تشوفوا ماما طالعلها كم قرن حلوين من ورا هالشغلة متل ما بيصير بالعادة
و لو حبيتوا تشوفوا باقي موضوع الأولاد تفضلوا لهون
http://www.lakii.com/vb/showthread.php?t=427369
و ان شاءالله بس يفتحوا القسم الرجالي بخليكن تشوفوا ابداعات أبو الأولاد...ههههههه
سلامات

يسلموووووووووووووووووووووو حبيبتى
الف شكرررررررررررررر لعيونك
الله يعطيك العافيه ياااااااااااااااااااااااااااااااااارب

يسلمو اديكي انت و وسيم ... الله يخليلك اياه يا رب و يفرحك فيه ...

تسلم إيديكي انت و وسيم
ما شاء الله عليه الله يخلي لك ياه وتفرحي منو يارب

كتبت بواسطة تغريد2007

يسلموووووووووووووووووووووو حبيبتى
الف شكرررررررررررررر لعيونك
الله يعطيك العافيه ياااااااااااااااااااااااااااااااااارب

الله يعافيك يا فنانة يا مبدعة
يبارك فيك و بأولادك...

كتبت بواسطة rawan_d

يسلمو اديكي انت و وسيم ... الله يخليلك اياه يا رب و يفرحك فيه ...

تسلمي حبيبتي
ألف هناااااااا***

كتبت بواسطة أم أحمد 2007

تسلم إيديكي انت و وسيم
ما شاء الله عليه الله يخلي لك ياه وتفرحي منو يارب

تسلمي حبيبتي
نورتي**

يا عينى يا رغود

أكيد أطيب كانولينى بالدنيا


تسلم الايادى وسيم


وسلم على مساعدتك خخخخخ

بسم الله ما شاء الله عليك
عمل رائع وجهد واضح ربي يسعدك ويخليلك ولادك
ابني الكبير اسمه وسيم بس حبايب قلبي هوة واخوه بعيدين عنا في بلاد الغربة بسبب ظروف البلد التعبانة ربي يوفقهم ويسهل امورهم

رغود تسلم الايادي...الك و لوسيم...الله يخليه و يحفظلك اياه يا رب و يضل يعمل اشياء حلوة و يطلع لماما قرو ن ههههههههه

هون...
و بما أني تلميذة شطورة و بتسمع الكلام
قلتلها حاضر يا أبلة
و لعيونها و عيون الحبايب إليكم الوصفة

تسلمي و تسلملي عيونك حبيبة قلبي
ربي يسعدك يا رب و يباركلك فست الكل و يحفظها و يحميلك ابنك يا رب

و ما شاء الله عليه
اكيد الوصفة طلعت احلى لان كل الحبايب ساهموا فيها
ربي يباركلك فيهم
و الف شكر عالوصفة الرائعة

يسلمووووووو ما شاء الله عليك