بسم الله الرحمن الرحيم
مسا الخير على الحلوات وعلى احلى صبايا
كيفكم حبيباتي ان شاء الله تكونوا جميعا بالف خير ياااارب
انا كنت واعدتكم باتمام الحلقه الثانيه من مسلسل الطنجره الكهربائيه
هههههههههههههههه
اللي بتابعوا مواضيعي اكيد عارفين عن شو بحكي
طولت عليكم والله بعرف بس صدقوني نظرا لظروف صحيه مو بايدي كنت افوت شوي اطل على المواضيع والوصفات الحلوه وما اقدر اطول
بس الحمد لله انا الان احسن وتحسنت صحتي وخلصت فترة النقاهه وصار دور الشغل
خخخخخخخخخخخخخخخخخخخخ
يلامعاي صبايا
اول شي انا راح احكيكم اني راح اسوي عليها خبز الصاج واكمل مع الشاورما اللي تعلمت طريقتها من المنتدى من اخت كريمه هون
اذكركم بالطنجره للي ما بعرفوا عن شو بنحكي
هي شكلها
وهي كمان
وهسه صار لازم احكيلكم عن العجينه المستخدمه
اكيد هي سهله وما بدها شي هي عباره عن
كيلو طحين شوية ملح 2ملعقة خميره ماء دافئ
بتضيفي المقادير جميعها الناشفه وبعدين
نبدأ نضيف الماء بالتدريج بس بدنا انه تكون العجينه رخوه شوي مو جامده
ونتركها تتخمر شي نص ساعه ونقطعها كور ونبدابفردها بالنشابه لكن اهم شي انه نفردها بحيث تكون كتير رقيقه زي ما انتوا شايفين
وهي العجينه عند وضعها في الطنجره
وهي حاميه
وهي الخبزه بدأت باستواء وراح نقلبها على الوجه الاخر
وهي صورة الخبز بعد الانتهاء منه
وهاي كمان اقرب
وهسه صار دور الشاورما اللي راح اورجيكم خطواتها بالصور
والطريقه راح تكون على هالرابط
طريقة الشاورما تفضلوا هوون لمشاهدة الطريقه
وهي الخطوات بالصور لاحلى شاورما بخبزاتي
اول شي بدنا نحضر اللحمه المدهنه شوي
وبنقطعها بشكل طولي وهي مثلجه شوي يعني مو ذايبه تماما
وهلا راح اقلبها بشوية زيت زيتون
واضيف شوية بهارات قرفه وفلفل اسود وملح واكيد عصرة ليمون ام خل
وهسه صارت اللحمه جاهزه
بنحضر البصل الشرائح مع السماق
وانا ضيفت بندوره شرائح وبقدونس
واكيد صلصة الطحينيه مع الليمون واللبن
وهسه بنجيب الخبز ونضع اللحم وبعدين والبصل والبندوره والبقدونس واكيد الصلصه
وبنلف الخبزه
واكيد انا بحب احمرها بالشوايه شوي وهي لما خلصت
وهي كمان صوره لعيونكم
اتمنى يكون عجبكم الخبز والشاورما وكل شي
واشوف الردود الحلوه يا الغاليات
وادعولي الله يفرج همي ويكافيني شر الاشرار ويستر على بيتي وبناتي
يااااااااااارب
الروابط المفضلة