دى بيتزا بعملها فى البيت سهله ومش مكلفه
وتكفى 3 اشخاص بس عن نفسى ممكن اكلها لوحدى مبيهمنيش
المقادير
3 ونص كوب دقيق
بيضه
نصف كوب ذيت درة
كوب لبن دافى
خميرة بيرة حجم الليمونه الكبيرة
معلقه سكر صغيرة
ذرة ملح وفلفل
المكونات
زى مانتى عايزة
بسطرمه
فلفل اخضر
زيتون حلقات
طماطم مقطعه
جبنه رومى مبشورة
معلقتين صلصه
الطريقه
رشى ذره الملح والفلفل على الدقيق ومتكتريش علشان فى بسطرمه وجبنه
اعملى حفرة وحطى البيضه والزيت
اذيبى الخميرة والسكر فى اللبن الدافى وقلبيهم لغايه ميذوبوا
وبعدها ضعيهم فى وسط العجينه مع الزيت والبيضه
واعجنى كويس وكل مالعجينه تحتاج شويه دقيق او لبن دافى ذودى لغايه متبقى عجينه طريه وحلوة ومبتلزقش زى عجينه العيش وسبيها تتخمر 3 ساعات لو مستعجله اما لو مش مستعجله كل متديها وقت تبقى احلى
بعد التخمير هاتى صنيه خاصه بالبيتزا ورشى فيها شوية زيت وافردى العجينه مستويه وحطى معلقتين صلصه دوبيهم فى شويه ميه ورشيهم على السطح يعملوا لون حلو
وابتدى حطى المكونات الكميه اللى تحبيها
وفى الاخر رشى الجبنه المبشوره فوق الوش وحطيها فى الفرن وبعد متستوى طلعيها حمرى وشها شويه بالشوايه وقدميها ومعاها الكاتشب وبالهنا وقولى ياى على الجمال
الروابط المفضلة