مش عارف يا بنات كيف اشكركم على كلامكم
الله لاتحرمنا من ردودكم
الفطير المغربي (( مع شويه تغيير))
نعجن عجينة عبارة عن
دقيق - ملح - ماء - وانا اضفت ربع ملعقه بيكنج باودر
نعجنها كويس ونخليها ترتاح
وبعدين نستعين بالزيت ونقرصها اقراص
بعدين نخلط في صونيه زبدة - شويه زيت - دقيق
الزبدة مش دائبه كويس لو تلاحضو فيها كراكيب
بعدين نمد قرص من العجينه ونستعين بالزيت طبعا
وندهن السطح بخليط الزبدة والدقيق
ونطبقها ولازم نحط خليط الزبدة بين الطبقات
حتى تصبح زي الشكل هادا
وبعدين نمد قرص جديد وندهنه بالخليط
ونحط القطعه اللي خليناها على جنب بداخلها زي الصورة
ونسكر عليها زي ماشايفين في الصورة
مع دهن مابين الطبقات بالخليط
حتى يعطينه الشكل هادا
ونكرر الخطوات لجميع الاقراص
وبعدين
نمدها على سطح ناعم ومدهون بالزيت
وناخد مفلاة نوع تيفال ونضع بيها شويه زبدة
ولما ادوب الزبدة نضع القطعه اللي مددناها ((( على فكرة النار كانت هاديه نوعا ما)))
ونقلبها حتى تنضج من الجهتين
وزي ماتشوفو قدمتها مع الكباب وسلاطات
وبالهناء والشفاء
[IMG]
[/IMG]
حبيباتى ماتنسونى من صالح دعاكم
الروابط المفضلة