السلام عليكم
شخباركم و شنو مسوين
اليوم جبت لكم طبخه من برنامج ( مع اسامة اطيب )
الصراحه شفت هذي الوصفه و عجبتني حسيتها خفيفه و تغير عن المعتاد و لذيذه
الحلقه كانت عن المطبخ اللبناني الشهي اللذيذ الي كلنا اكيد نحبه بس للاسف ما لحقت على الطبخه من البداية فاي اخت من الاخوات شافت الحلقه و كان في شي انا غيرت فيه او نسيته ياريت تفيدنا
بس انا سويت هذي الطريقه الي شفتها انشاء الله ما اكون نسيت اي شي
المقادير :
خبز عربي خفيف مقطع مستطيل
دجاج مسلوق و مقطع
بصل جوانج
سماك او سماق
ملح و فلفل
زيت
انا اضفت من عندي (طحينيه مع زبادي) و بابريكا و كمون
الطريقه:
نحمس الدجاج لحد ما يذبل شوي و بعدين نضيف البصل و السماق و البابريكا و الكمون و الملح و الفلفل الاسود و نخليهم على النار لحد ما يذبل البصل
بعدها نضيف الطحينية على الخبز
و نضيف مقدار كافي من الدجاج و نلفه على شكل سمبوس كبير
و بعدها ندهنه بزيت و نضعه في الفرن لحد ما يتحمر الخبز قليلا
و هذا شكلها بعد ما تحمرت في الفرن
الصراحه انا جربته و حسيته انها خفيفه و سهله و سريعه و تنفع للبوفيه شكلها مرررررره مرتب و تقدرين تستبدلين الحشوه باي حشوه تفضلينها
وسلامتكم
الروابط المفضلة