بيتـــــزا القطايـــــــف
![](http://www.arabsys.net/pic/zkarf/3.gif)
مرحبا يا صبايا .. ان شاء الله تكونو بخير
بيتزا القطايف .. اكيد بتعرفوها .. بس حبيت أنزل عمل ايدي
لان ركن المعجنات بحبو كتيير بس للأسف ما عندي مشاركات كتييره فيه
اليوم كان عندي فائض في القطايف العصافيري .. فعملتها بيتزا
نفس حشوة البيتزا اللي بتعمليها عادة
أنا بحط أنواع فليفله مفرومه .. بصلة مفرومه .. طماطم مفرومه .. مرتديلا او نقانق شرائح
زتون اسود شرائح .. مشروم شرائح .. جبنة موزوريلا
بالاضافة لصلصة البيتزا (انا بعملها في البيت ودايما موجوده عندي)
للصلصه .. بنقلي بصله مفرومه صغيره .. بنضيف عليها فليفله مفرومه ناعمه بنقلبها على النار شوي
اضيف حبة طماطم ومعجون طماطم وصعتر بري أو اوريجانو مع القليل من الماء
ولما تتماسك الصلصه بزيد الملح واي بهارات بدك اياها .. وهاي دائما عندي
في صينية مدهونه .. بنوزع القطايف .. دهنت الارضيه بالصلصه ورشيت عليها اوريجانو
خلطت انواع الفليفله مع البصل .. وضفتها على القطايف (اول طبقه)
برش شوي جبنه موزوريلا عشان تتماسك الطبقات .. بضيف المشروم والزيتون والطماطم و الجبنه في النهايه
بحطها في الفرن لمدة ربع ساعه تقريبا لحد ما تحمر
وهاكم الصور غالياتي
المفروض عملتها منشان السحور .. لكنها خلصت قبل هيك بكتيييير
وصحتين وهنا على قلوبكم يا احلى صبايا
الروابط المفضلة