الحنونه 92 تسلمى حبيبتى بارك الله فيكى

rosse حبيبتى مرورك الاروع

كوسة وبط تسلمى حبيبتى على الكلام الرائع ده

ام فىء تسلمى حبيبتى وبارك الله فيكى

بارك الله فيكم اخواتى بس لسه عندى كمان و كنت هاكمل لكن الكمبيوتر قفل مره واحده و كل ما افتحه يقفل على طول اضطريت استنى جوزى لما يرجع و يزبطه و الحمد لله ربنا يستر و ما يعملش تانى كده

نكمل

الخبز الملفوف

كوب و3\4 الكوب دقيق
م\ك زبده طريه
قطعه خميره قد البندقه
نص م\ص ملح
م\ص عسل نحل
3\4 كوب ميه

نضع الدقيق و نعمله حفره فى الوسط و نضع الخميره و العسل و الزبده وجزء من الميه و نغطيه من الجوانب ونسيبه شويه
قد 10 دقايق و بعدين نحط الملح و نبدا نعجن و نحط الميه شويه شويه و نكمل عجن حتى تتكون عجينه طريه و لا تلزق و نتركها نص ساعه او 45 دقيقه و بعدين نقسمه 4 اجزاء و نسيبه يرتاح شويه


لغايه ما يتضاعف حجمه
بعدين نعملها طولى كده و نفردها بالنشابه و نلفها رول و نحطهم فى فوطه او قماشه مرشوشه دقيق
بالشكل ده و نحطهم كده و نسيبه يخمر ساعه

و بعدين ناخد 2 من الالشكل ده و نقسمهم بالنص و كل نص من النص نفتحه شويه





و نحطه فى صنيه الفرن و ندخله فرن حار 200 درجه مده نص ساعه فى الرف الاوسط






نكمل يا حلوين

العجينه دى حلوه قوى رهيبه اخدتها من مطبخ عالم حواء العجينه تحفه

للخبز الكيزر و خبز البرجر
و عملت بيها ساندويتشات برجر كانت خرافه وكمان عملت منها السينامون فظيع

المقادير 1
كوب حليب سائل
3 م\ك زبادى ( روب)
3 م\ك زيت
مقادير 2
3 كوب دقيق(انا اضفت ربع كوب زياده)
ربع كوب سكر
قطعه خميره قد البندقه
م\ص بكنج بودر
م\ص ملح ممسوحه

الطريقه
نضع كوب دقيق و الخميره و السكر و
مقادير 1 نخلطهم مع بعض و ندفيهم على النار بعدين فى خلاط الكيك نخفقه مده 10 دقايق و دى نقطه مهمه قوى
و بعدين نضيف الدقيق الباقىبالتدريج ونعجن ( انا بغير القطعه و بحط القطعه بتاعت العجن و بسيبه يعجن حواى 5 دقايق)





و نعجن كويس حتى نحصل على عجينه لينه و نغطيها و نسيبها تتخمر ساعه


و

بعدين نشكلها عملت خبز البرجر و مسحت بالحليب و حطيت عليه سمسم و جزء
عملته سينامون و قصيت من الجوانب يعنى عمل شكل زى الورد



و نسيبه يخمر ساعه و نص


و بعدين ندخله فرن حار 200 درجه فى الرف الاوسط مده 10 الى 15 دقيقه و يتحمر الوجه

وده خبز البرجر شوفو طرى جدا ولما تحطى معاه برجرواو رهيب

خبز الشعير

3 كوب دقيق شعير
كوب و ربع ميه
نص م\ص ملح
قطعه خميره بيره قد البندقه
م\ص سكر

نضع الدقيق و نعمل حفره فى الوسط و نضع بها الخميره و و السكر و جزء من الميه الدافيه
و نغطيهم بالدقيق من الجوانب و نسيبهم ربع ساعه و بعدين نحط الملح و باقى الميه و نعجن
و نغطيهم و نسيبه يتخمر ساعه و نصو بعدين نقطع العجين كور قد البرتقاله الصغيره
و نغطيهم حتى يتضاعف حجمه و بعدين نرش كميه من دقيق الشعير و نفرد الخبز الكور اللى عملناها و نفردها باليد



هاتكون طريه قوى باليد نفرده بس لازم نرش دقيق كويس علشان مايلزقش و بعدين على فوطه
نرش دقيق و نحط الارغفه اللى فردناهاو نسيبهم يتخمروا قد ربع الى نص سلعه على حسب درجه حراره
الجو




و بعدين يا فى الفرن الغاز ماشى او على النار فى طاسه نسخنها و نبدا نحط رغيف رغيف هاينتفخ
و يتحمر نقلبه على الناحيه التانيه علشان يتحمر و النار تكون متوسطه
ما بنصحش يتعمل فى فرن الكهربا يستحسن على النار و بس كده

المجفف

3م\ك خميره طبيعيه
كوب و3\4 كوب دقيق
قطعه خميره بيره قد البندقه
ربع م\ص ملح
م\ص عسل نحل
3\4 كوب ميه
م\ك زبده طريه
حوالى 10 تينات ( تين مجفف مقطع صغير جدا)
الطريقه

نضه الخميره و العسل و الميه و نسيبهم دقايق و نحط الخميره الطبيعيه و الزبده و الملح و نعجن و بعدين
نحط التين المقطع و نعجن كويس قوى و هاتكون العجينه ملوقه قوى
و نغطيها و نسيبها تخمر ساعه و بعدين نقطعها كور صغيره قد الليمون الصغير




و نعملهم دواير و نسيبهم على ورق الزبده على الصينيه اللى هاندخلها الفرن ونسيبهم 10 دقايق و بعدين
ناخدهم و نعملهم باليد شكل التين ونشرحها من فوق خطوط بسيطه و ندهنها بالبيض و معاه شويه لبن و رشه ملح


و نسيبها تتخمر ساعه و ندخلها فرن حار شويه فى الرف الاوسط مده 25 دقيقه او لغايه ما تستوى و تتحمر

ما شاء الله لا قوة الا بالله
بصراحة عن جدارة اخدتى لقب فنانة طهى
اعجابى بوصفاتك لا يوصف
تقبلى شكرى

ماشاء الله لا قوه الا بالله عليك الله يبارك فيما رزق ! الحق يقال اجمل خبز رأيته الله يبارك ماشاء الله حقيقى روعه
و سؤال اذا ما فيها غلبه بارك الله فيك ، فى بعض الوصفات يوجد حليب بالمكونات هل يمكن الاستعاضه عن الحليب بالماء ؟ لاسباب صحيه لا نستطيع تناول الحليب و مشتقاته ! جوزيت خيرا حبيبتى اطعمك الله من ثمر الجنه