بسم الله الرحمن الرحيم
و رمضان مبارك عليكم اجمعين
ذاك اليوم طيوف نزلت طبق عجيب لحم محشي بخبز الصاج ، شهتني والله على الصاج والرقاق ورغم انه في بينهم اختلاف بس لانه الحاجة ام الاختراع ولانه بهالغربه لازم نبتكر بعد شنسوي ، فقررت امس اني اسوي رقاق واحشيه ، ما اطول عليكم اكثر شوفوا الخطوات
خلطت
طحين اسمر بشويه ماي دافي ، رشه ملح ، ذوبت خميرة بماي دافي مع شوية سكر عشان تتخمر اسرع
وخليت الخليط مااااااائل للسيولة
تركته نصف ساعة بعدين بمقلاة تيفال كبيرة وساخنة صبيت مقدار قليل من العجين وفردته بايدي ولاااازم بالايد عشان يكون رقيق قدر الامكان
مع الانتباه لعدم حرق الاصابع ثم الدعاء علي لووووووول
وطي على النار وخلي القرص يستوي وينشف تماما اذا احتاج الامر اقلبيه
ما صبرت الصراحة على النتيجة العجيبة
ورائحة الخبز الحار تشهي فحشيته على طوووول بجبن مثلثات مع كاسة شاااااي وياااا سلاااام
والله كنت اتصور صعب بس خذيت الطريقة من خالتي وكانت سهلة
طبعا اول قرصين بتسوينهم لازم ينرمون لانه ما اعتقد بيضبطون من اول مرة
,,,,....اهم شيء فرد العجين وهو سائل على صفيح سااااخن << يااا ويلي << بس النتيجة تستاهل
الروابط المفضلة