السلام عليكم ورحمة الله وبركاته
بصراحه انا من زمان اسوي بيتزا شكلها غير وطعمها لذيذ ودايما اقول بنزلها في هذا المنتدى الطيب وانسى
بس الحين بعطيكم اياها
المقادير اولا
4\3 كاس ماء ساخن مذاب فيه 3ملاعق كبيره حليب بودره وملعة كبيره سكر وملعقه صغيره ملح وربع كاس زيت
وملعقة كبيره خميره فوريه
تذوبينها وتتركينها لمدة خمس دقائق في زبديه لوحده
وتجهزين في زبدية خلاط العجين لان العجين فيه رووووووعه كثير
تجهزين 3 كؤوس طحين كوتي ابيض وملعقه ضغيره بيكينج بودر
وبعدين بتسكبين الماء واللي فيه على العجين لاتسوين العكس مو شي
واعجنيها واتركيها لمدة نصف ساعه وكلما تخمرت اكثر كلما صارت لينه وحلوه
الحين للحشوه
فليفله +زيتون+زعتر+جبن موزريللا لحم مفروم +مشروم طبعا كل شي مقطع اوكي
نجي للطريقه هي غير بس حلوه
تقسمين العجين 3 كرات وتفرديها كل وحده على حده على شكل مستطيل
لما تفرديها تحطي قليل من الصلصه (معجون الطماطم) وتحطين الحشوه بعدها واخر شي تحطين الجبن وتلفين العجينه مثل السويسرول
وتقطعينها بحجم متساوي وتصفينها في صنيه وتدهنيها بصفار البيض فقط مشان تتحمر
وتدخليها الفرن وتستنيين ليما تستوي
وبالهناء والعافيه
انا توني شاريه فرن للبيتزا بس اسمه قالب البيتزا بيسوي العجين كانه من المطعم
حجمه صغير وفي خلال عشر ثواني بتستوي العجينه وتوني مسويه فيه البيتزا العاديه والفطاير روووووووووعه
حتى اهلي يسالون جايبين من المطعم ولالا سعره كويس ب150ريال صناعه يابانيه وموجود في دبي
اتمنى اني افيدكم
تحياتي
الروابط المفضلة