السلام عليكم ورحمة الله وبركاتة
شوفو هذي المعجنات اللي سويتها بعجينة العشر دقايق وماشاء الله طلعت كل وحدة أحلى من الثانية
أول شي هذي مقادير العجينة .. أكيد الكل يعرفها بس أنا حطيتها احتياط
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وأحين أخليكم مع الصور..
((الشكل الأول))
سوّيت هذي الفطيرة .. أول شي فرتها على شكل مستطيل.. وحطيت شوي كاتشب.. زيتون أسود.. جبن موزاريلا..
وقطعتا من الأطراف مثل ما تشوفون في الصورة..
بعدين سكرتها بهذي الطريقة..
وهذا شكلها النهائي..
تدهنونها بالبيض والسمسم .. وهذا شكلها بعد ما طلعتها من الفرن..
((الشكل الثاني))
هذي الفطاير رووووووووووعه وخاصة الحشوة تجنننن..وطريقتها خذتها من أميرة الشوق من عالم حواء..الله يعطيها العافية..وهي:
أول شي تفردون العجينة على السطح بعدين تيبون قطاعن دائرية .. بعدين تاخذون دائرة حطو فيها شويييية كاتشب وفوقه شويييييية لحم مفروم ومطبوخ بالطريقة المعتادة..وفوق اللحم دائرة خيارة.. وفوق الخيار هاتو جبن شرائح وقطعوها لقطع صغيرة وحطو قطعه وحدة فوق الخيار..
بعدين خذو قطعة ثانية من العجينة اللي قطعتوها على شكل دائري وحطوها فوق القطعة المحشوة وسطروها زيييييييييين عشان ماتطلع الحشوة وهي في الفرن..(سمحولي ما صورت الخطوات.. بس إن شاء الله تكون واضحة الطريقة)
وهذا بيكون شكل الفطاير قبل ما تدخلونها الفرن..
ممكن على الأطراف تسكرونها بشوكة تعطي شكل حلو .. وعشامن بعد تتأكدون أنا الفطاير تكون مسكرة زين..
وهذي صورة الشكل الأول + الشكل الثاني..
شوفو شكلها .. وطعمها واااااااايد حلو خاصة يوم تكون حارة توها طالعة من الفرن والجبنة تكون ساااايحة
((الشكل الثالث))
سويت جيب التاجر..بعد هذا طريقة أميرة الشوق..
أول شي تقطعون الفطاير على شكل دائري بس خلو العجينة شوي سميكة عشان تنتفخ في الفرن وبعد ما تطلع خلوها شوي تبرد بعدين قطعوها واحشوها بأي شي تحبونة..
وشوفو في حبة في الصورة مثلثة هذي ..كان باقي عندي لحم مفروم فحشيتة فيها..
ناااااااابع
الروابط المفضلة