السلام عليكم ورحمة الله وبركاته
سلمت يداك اختي في الله ايمان.. شلكها شهي جدا جدا ومشجع اكثر واكثر.. انا لا اعرف طريقة عمل المناقيش ولكني اكلتها كم مرة وكانت لذيذة جدا ولكنها بالتاكيد ليست لمناقيشك..
سؤال لو سمحت:
ماهي طريقة عمل المناقيش بالجبن؟؟
وهل من الممكن ان نضع طحين اسمر بدل الابيض؟؟
بارك الله فيك وبارك في العقول المبدعة وجزاك عنا كل خير.
ادعو لاهلنا في العراق..

شو هذا يا فانتاسي، نفختيني كثير
شكلك كاينة ساكنة جنبي حتى بتعرفي الأفران الذهبية والياسمين.. والا عندكم فروع في كاليفورنيا؟
تسلمي عزيزتي، كلماتك خلتني أصير فوق الريح



وعليكم السلام ورحمةالله وبركاته يا بنت أرض الحضارات
الله يسلمك يارب..
طريقة المناقيش بجنبة، هي نفس الشيء ولكن مبارح كنت بقول لصديقتي ممكن نقدر نخليها تنضج تماماً أول وجه وبعدين نقلبها ونحط جبنة مبروشة بتحبي طعمتها مثل حلوم أو عكاوي أو موزاريلا، مع قطع زبدة صغيرة جداً ورشة ملح. واتركيها تنضج براحتها. طبعاً هذا إذا حبيتي تعمليها على الغاز من فوق.
أما بالفرن، فضعي نفس المكونات اللي ذكرتها على العجينة بعد ما تعلميها بأطراف أصابعك، حتى ما تنتفخ.. وبعدين ضعيها بالفرن حتى تنضج وتذوب الجبنة وتشقر شوي.. يمكن كل هذا 8 دقائق. مع ملاحظة أنه الفرن لازم يكون حامي تماماً..


ممكن تستعملي الدقيق الأسمر، أمي بتستعمله عادة لعمل المرقوق، ما بعرف كيف رح يفرق، أنا ما جربته، لكن أمي بتستعمل القمح بغاية الريجيم.

بصراحة انا اول مرة اشترك فى المنتدى وعجبتنى كتير عمل المناقيش على الغاز لأنو دايما عندى مشكلة شو بدى اعمل على الفطور والصور طالعه بتشهى الله يعطيكى العافية وراح اجربها للأولاد وبتمنى اكون صديقة دائمه

يا أهلاً وسهلاً بك، صحتين وعافية، خبرينا لما تعملي المناقيش

يا امونة يا ريت في فروع للمخابز للي سميتهم مسبقا جيتي لcalifornia
انحرمت من كل شي وين انا عايشة ما في غير المكسيكان وشوية منwhite trash
بسوق ثلاث ساعات حتى اجيب خبز عربي ومونة عربية مشتاق كتير يا michigan my home town
وسلام

مع أنها متشجن مملة وما فيها شيء غير الأكل، إلا أنها تعتبر من أفضل المقاطعات الأمريكية.. أي نعم كل ربع ساعة بطقس شكل، إلا أنها بلد مريح وما فيه مشاكل الحمد لله.. شوفي يا حلوة، اعملي الخبز بالبيت أطيب.. الأفران هذه ما عادت طعمتها مثل الأول.. مناقيشهم ما بتنبلع، بالزعتر ما فيها زعتر، واللي بالجبنة مثل أكل الإسفنج. يعني ما تزعلي كثير.. كنتي ساكنة وين بمتشجن؟ أعتقد قلتيلي بس نسيت..

يا صبايا يا طباخات، ماميتي بتقوللكم بعد أول قلبة للعجينة لما تصفر، اتركي الوجه الثاني يحمر واقلبي مرة أخرى وضعي الزعتر على الوجه الأحمر واتركي الأسفل ينضج على راحته، حتى تكون أطيب وأطيب مثل الفرن

شكلها لذيذه انا اللي ماحب اي شي فيه عجين عيبتني الطريقه... بخبر امايه عسب يسولهم في البيت مشكوره عالطريقه حبيبتي

اممممممممممممممممممممم طيب شو مقادير العجينة عشان اسويها لزوجي على العشا ..
سمعتي وعود لزوجي يعني مو الي لا تقولين وين راح الريجيم ها ..
انا مش ناقصة سمنة عشان اكل مناقيش يختي .. انتي عارفة كل قطعة مناقيش كل سعرة حرارية فيها ?
ييجي اكثر من 200 سعرة حرارية .. يلهوي يعني اذا اكلت وحدة بس ممكن يخرب الريجيم كله و ترجع ريما لعادتها القديمة ..
هههههههه

ايمان مشكورة حبي بس ممكن مقادير العجينة بالضبط ?

العجينة للمرة العشرطاش
كوبين دقيق، ربع كوب زيت، ملعقة كبيرة خميرة، ملعقة صغيرة سكر ونصف ملعقة صغيرة ملح، وكوب دافئ ماء وخمس ملاعق حليب بودرة.. عملت عيارين من هذه الكمية.. وهي عجينة تعلمتها من المنتدى زمان قوي..


ومرة أخرى بس بصورة واحدة