هلا بسمو الأميره
سمو اميره وتسوين فطاير؟
اسمعي كل اللي كانو يعانون من ازمة الفطاير ...إذا أخذوا الطريقه اللي عندي تنفك عقدتهم ويدعون لي
اتمنى تكونين وحده منهم بعد ما تجربينها
اذا عندك خلاط مولينكس الحوض الكبير اللي يعجن ويقطع ويفرم...ما ادري عرفتيه؟
لاني متعوده اعملها فيها إذا ماعندك انا مالي دخل لو مازبطت لاني ماجربتها بدون هالخلاط
نقصدي بالخلاط الى نفرم به البصل؟؟
أختي دخلت عليكم بالعرض اسمحو لي لكن صار نفسي اجرب عجينتكِ تشجعت يعني
اني عندي العجانه وعندي الخلاط الى يفرم البصل والخضاروات وعندي الكأس للشوربة ووو اي واحد استخدم منهم لو سمحتي
المهم نبدا بالمقادير
كاسه ونص مويه دافيه(لازم دافيه...بس مو حاره لانها بتفسد العجينه )
3 ملاعق سكر
3ملاعق حليب بودره
ملعقه خميره فوريه
ربع كاس زيت
هذي تخلطيها مع بعض وتخليها شوي حتى تذوب في بعض
تقصدي هذي المقادير اخلطهم في الخلاط ومن ثم اتركهم قليل وبعد ذلك أضيف الطيحين مع الملح؟؟
بعدها تضيفي 3 كاسات دقيق(منخووووول) وشويه ملح
وتخلطيها شوي وكل ماطولت بالعجن افضل
وتتركيها نص ساعه تنخمر (لاتتركيها اكثر من نص ساعه عشان ما يبان طعم الخميره)
وابدئي احشيها بالحشوات اللي تبين تراها تنفع تسوين منها البيتزا المدورات الصغيره تطلع طريه ومنفوشه زي القطن
بس فيه سر مهم
إذا بغيتي تسوين السبانخ او البيتزا ...كوري العجينه كور صغيره بعدين ابدئي افرديها وحده وحده على يدك ...مو بالفراده ...الفراده ما تخليها تنفش زين...يعني تضغطين عليها باطراف اصابعك حتى تنفرد وتصير دائريه...اتمنى فهمتي علي
يعني اختي ما استخدم المحوار ابداً ؟؟
شئ ثاني لا تخليها تطول بالفرن بالنسبه لي الفرن عندي كهرباء ...إذا كانت درجة الحراره 180 عشر دقائق اخليها...وبعض المرات 8 دقائق اذا الفرن حار
واي سؤال انا بالخدمه
لازم تجربيها وتردي علي...سوي نص المقدار إذا مو حابه تجازفين...ولو اني متاكده راح تتحسفين بعدها
إنشاء الله انا أيضاً أجربها
انتظر ردكِ على الأسئلة
وأكون شاكرة لكِ
الروابط المفضلة