مساء الخير على الجميع . اكيد رح تستغربوا من العنوان لأني جديده واول مره اشارك ليش خصصت موضوعي لأحاسيس واوشه وبوسي ؟ انا نزلت استفسار واول من ساعدني ورحب في هم هالثلاث وردات وعلشان هيك اهديلهم اول مشاركه الي في منتداكم .
نبدأ على بركه الله بالوصفه ، هي رغيف الزعتر الاخضر الورق والطريقه كالتالي :
نحضر الزعتر الاخضر الورق ونفرمه ونفرم معاه راسين بصل ونخلطهم مع بعض ونضيف ملعقه طعام سماق وعصير ليمونه كبيره ورشه ملح و مقادير العجين هي مقادير عجينه الفطائر اللي تستخدميها عادة بس يفضل انها ما تكون هشه كتير يعني عاديه ونحط جميع المقادير بدون الزيت ( هذا من اساسيات الوصفه )ونتركها حتى تخمر وبعدين نحضر صينيه كبيره ونضع كميه وفيره من زيت الزيتون ( الافضل في صينيه مش على رخامة المطبخ لأن كميه الزيت رح تكون كبيره ويمكن تسيل من على الجوانب ) نقطع العجين الى كور بحجم الكف ونفردها في الصينيه المدهونه بالزيت ونفردها بعدين نطبقها من الجوانب على شكل مربع ونرجع نفردها . نضع كميه وفيره من الحشوه ونفردها على العجين ونرجع نطبقها من جميع الجوانب ونفردها ونكررها مره تانيه ، معليش لو صار في ثقوب معك بالعجين لأنها بتروح مع التحمير. نضعها في صينيه مدهون كويس بزيت الزيتون ونضعها في الفرن من تحت ثم نحمرها من فوق . هي صحيح محتاجه شغل بس طعمها ينسيك التعب وصحتين وعافيه على اللي بتعملها .
الروابط المفضلة