السلام عليكم ورحمة الله وبركاته
هذه تاني مشاركتي في أسبوع المعجنات
والطريقة اللي استخدمتها دي كنت أول مرة أجربها وهي للشيف أسامة السيد
بس طلعت حلوة جدااااااا وخفيفة
وطبعا انا لست بمستوي خبيرات لكي بس بحاول أتعلم منكم
ربنا يبارك فيكم جميعا
نبدأ بسم الله
المقادير
5 كوب دقيق
3م\ك لبن بودرة
2م\ك زبدة سايحة
1م\ك خميرة
2م\ك سكر
1م\ص ملح
1بيضة
ا\2 كوب حليب
1\2 كوب ماء
الطريقة
تخلط جميع المكونات الجافة مع بعضها
ثم نضع الزبد السايح ثم البيضة
ثم نضيف اللبن والماء
وتعجن جيدا جدا حتي تصبح عجينة طرية وناعمة بهذا الشكل ومن الممكن ان تحتاج معاكي قليل من اللبن أو الماء حسب نوعية الدقيق
ثم نتركها تتخمر نصف ساعة انا تركتها حوالي ساعة الا ربع لحد ما أصبحت بالشكل ده
ما شاء الله
ثم شكلتها علي شكل كرواسان وحشتها جبن ابيض
ودي حشتها جبنة وزعتر
ودي جبن شيدر
ووضعتهم في صنية وتركتهم يتخمروا لمدة ساعتين تقريبا
ودي شكلها بعد التخمر
ثم دهنت الوجه بالبيض واللبن
ووضعت عليه سمسم والبعض جبن مبشور وزعتر ووضعتها في فرن مسخن سابقا قبلها بربع ساعة علي درجة حرارة 180 في الرف الوسط
وتركتها لمدة 20 دقيقة تقريبا
وده شكلها فور خروجها من الفرن
وده شكلها من الداخل
واعذروني لو الصور مش واضحة
أتمني أنها تنال إعجابكم
الروابط المفضلة