السلام عليكم ورحمة الله وبركاته
مسالخير لجميع ستات وصبايا لك
اعذروني يا جماعة صرلي يومين تعبانة ومريضة ومشاركاتي قليلة معكم ادعولي بالشفاء الي ولابني لانو الكريب هلكنا
كالعادة معجناتي بعجينة العشر دقائق الرائعة
ولكن هالمرة مع قصة
كنت مجهزة لاعمل تشكيلة تانية بنفس النمط لكن مع المرض والتعب ما في أمل هاليومين قلت بنزل هالموضوع خفيف نضيف ان شالله يعجبكم
دائما بعمل السبانخ بتدبيلها على النار ومن ثم عصرها و تلفيحها مع البصل وإضافة الحمض والملح
لكن هالمرة غيرت الطريقة حسيتها أنفع وأفيد
بعد غسيل السبانخ وضعتها بوعاء ورشيت قليل من الملح وبدأت أعجنها بإيدي للسبانخ وادبلها بحيث تطلع ميتها كلها
وفعلا السبانخ بلشت تدبل وكمية الماء تكبر عصرت السبانخ بشكل جيد وبواسطة المصفاة احتفظت بماء السبانخ واحترت شو اعمل فيه
فكانت فكرتي انو اعمل العجينة بماء السبانخ لإضافة اللون الطبيعي والشكل الجديد
كترت حكي
تفضلو على الموضوع
العجينة المستخدمة عجينة العشر دقائق
http://www.lakii.com/vb/showthread.php?t=403306
أما حشو السبانخ فهو عبارة عن بصل يُدبل على النار بقليل من زيت الزيتون ويضاف له السبانخ مع الحمض والملح
أما الحمض هو عبارة عن ليمون مع دبس الرمان ورشة سماق
وانتبهو ما تكون الحشوة فيها ماء لحتى ما تخرب العجينة وتفتح معنا
تفضلو الصور ........
زاد من العجين فجربت فيها البيتزا وطلعت رائعة أيضا
واطمنو ما في طعم للسبانخ بالعجين أبداااااا فقط لون لا أكثر
بعتذر منكم مرة تانية إذا في أي استفسار أنا حاضرة
ولا تنسوني من الدعاء
الروابط المفضلة