صديقاتي العزيزات السلام عليكم ورحمة الله
انا صديقة وعضوة قديمة في المنتدي بس كانت غايبة لفترة طويلة نسبة لبعض الظروف
والحمد لله بقيت اقدر اتابع شوية شوية منتداي المفضل
وحبيت اتعلم المعجنات لاني الحمد لله في المطبخ شاطرة بس في المعجنات فاشلة فشل زريع لغاية مالحكاية دي عقدتني .. جربت كتير وصفات وكلو كان بيبوظ لغاية مايئست .. ونسيت الموضوع
ودلوقتي لما بنتي كبرت شوية وابتدت ترفض الاكل وحسيت انها ميالة للمعجنات ( اللي دايما بنشتريها من بره طبعا ) قلت علشان خاطر بنتي احاول اتعلم من جديد وامري لله
وفعلا ابتديت بعجينة العشر دقايق وطبقتها لانها سهلة وعملت نصف المقادير لان عائلتي بسيطة ولا احتاج لمقدار العجينة كلها ..
المهم ( اللي بعرفوني من زمان بيعرفو اني رغاية ههههه واللي مابيعرفوني اهو عرفو الرغي علي اصوله )
عملت كرواسون وحشيته جبنة وجزر وطلع شكلها ميه ميه (صورتها بالموبايل بس للاسف وصلتي ضاعت فماقدرت انزلها ) ومحمرة كويس ولاول مرة اظبط لفة الكورواسون .. كله طلع تمام بس زي مابقولو (( من بره هلا هلا ومن جوه يعلم الله )).. وصاحبتكم فرحانة وحتيتها في السفرة وانا فخورة اني ابتديت اجيد الكرواسون .. واول قضمة وهوبا يحصل المكتوب
تخيلي نفسك جبتي جزر وبشرتيه ومعاه جبنة .. ويلا رشيه سكر كتيييييييييييييير وحاولي تاكليه ياسلام مزيج مقرف ( اقصد هايل ) ..
زوجي طبعا بلع اللقمة بصعوبة وحاول يبتسم علشان عارف عقدتي من المعجنات وحاول يجاملني بس بصراحة الموقف كان صعب جدا هههههههههه انا نفسي ماقدرت اجامل نفسي
المهم وبعد ماحكيتلكم قصة حياتي مع المعجنات ياريت اعرف وين المشكلة .. انا عملت الوصفة بحزافيرها وبدل فنجانين قهوة سكر عملت فنجان واحد ..لاني زي ماذكرت عملت نصف مقدار .. ومقدار السكر المفروض لنصف مقدار يكون كم؟؟ وهل يوجد لبن بودرة في العجينة لاني لقيت واحده من الاخوات ذاكرة لبن بودرة وواحدة تانية لا ؟؟
ياريت تدوني وصفة عجينة العشر دقايق بنصف المقادير مظبوطة وتكونو كسبتو في ثواب لاني بالجد عجبتني سهولة العجينة بس هو الحظ السئ
ومعلش لطول الموضوع بس لاني طولت جدا ومشتهيه المنتدي والرغي زي زمان مع البنات العسل
الروابط المفضلة