السلام عليكم ورحمة الله وبركاته
صباح الجمال على ال66666666
كلهم
ويا رب تكون سوسن ولدت بالسلامه علشان ترجع تنورنا تانى
كنت احب اقولكم حاجه الاول قبل ما اكمل مشاركاتى
انا حابه للطبيخ جدا
عندى كتب للطبخ
وبحب طول ما انا قاعده على النت ادور فى الاكل الجديد وتفانينه واسراره
وبدخل على مواقع اجنبيه كتير
ده غير متابعتى لبرامج الطبخ بالتليفزيون طبعا
يعنى مش معنى انى بعمل حاجه وبنزلها هنا بيتى التانى انها من ابتكارى لا
ده نتيجه لاجتهادات لما هو افضل
وبرده مشعايزه انكر دورى ان فى وصفات كتير ده بتكون من عكعكتى انا وفى وصفات تانيه بتكون اخده فكره من هنا ومكمله عليها من هنا يعنى نتيجه لازدحام الافكار فى خيالى
وعلى ما اعتقد ده هو نفس الحال مع كتير من النواعم
طولت عليكوا والحاجات اللى انا عملاها بردت
بس كنت اوضح نقطه مش اكتر علشان نكون على بينه
بسم الله
اولا مقبلات البيض
المكونات
4 بيضه مسلوقه ومقشره
1/4 كيلو لحمه مفرومه
متبله ببصله مفرومه و 1/2 رغيف فينو (اللبابه فقط ) مابداخله ونقعته فى قليل من اللبن وعصرته براحة ايدى
واضفت ملح وفلفل وبهارات لحمه ومخلوط على بعضه
بيضه مخفوقه بسنة ملح
بقسماط
الطريقه
بقسم اللحمه الى 4 اقسام
واكور كل قطعه واغلف بيها البيض
وابلها بالبيض وبعده البقسماط واقلى فى زيت غذير وبالف هنا
نوع تانى من المقبلات العبيطه والسهله[/center]
المكونات
باكت باف بسترى
جبنه كريمى
زعتر و سماق
الطريقه
بقطع العجينه بالطول وادهنها جبنه وارش عليها ماحده من ال2 والولوها وادخلها الفرن تستوى ولما تخرج وهى سخنه ارشرش عليها جبنه رومى
طبعا الطعم غنى عن التعريف
[center]نوع تانى من المقبلات
اكثر عبط لكن الطعم لا يختلف عليه 2
وده نادر فى بيتى
المكونات
شرائح خيار
شرائح مورتديلا او اى لحمه مدخنه
اى معجون جبنه (وانا استخدمت معجون الجبنه الزرقه الريكفور لانى كنت عملت بها صنف تانى
الطريقه
اضع على شريحة الخيلر شريحة اللحمه والفها وامسكها بالخله وازينها بالجبنه
طبعا الامه العربيه كلها كانت بتساعدنى فيها
ولادى ربنا يخلهوملى
اللى بيصور واللى بينولنى الخله واللى بيخطفها منى وياكل
طبعا انا مهما وصفت فى طعمها مشحعرف اديها حقها
نوع اخر من المقبلات
شرائح البطاطس
كنت بأمل انى اوصل للدوريتوس او التاكو او ما شابه
لكن للاسف طلع نأبى على شونه
المكونات
3/4 كوب بطاطس مسلوقه ومهروسه
4 م ك زبده
3/4 كوب دقيق
ملح
فجت اختكم المتفزلكه اضافت
3/4 كوب جبنه رومى مبشوره
م ص كمون
م ص بصل بودره
قال ايه دوريتوس بالتوابل
الطريقه
عجنت كله مع بعضه بيدى
واخدت حته صغيره وفردتها وخلتها رقيقه وقلتها فى الزيت
طبعا تاهت فى بحر الظلمات واختفت ومتلأهتهاش ومحدش يسأل هى راحت فين لانى مشعارفه المهم
اخدت العجينه وفردتها على ورق زبده مدهون بزيت وقطعتها ومن غير ما احرك فيها حاجه دخلتها الفرن
تستوى على نار هادئه
هى المفروض ماتكنش مقرمشه بس انا قرمشتها
اخر نوع وليس الاخير
المكونات
عجينه باف انا اللى عملاها
خلطة جبنه (ريكفور وشيدر و كيرى وفلفل ملون احمر واصفر واخضر)
الطريقه
قطعت العجينه ودهنتها بيض
علشان الزق الطبقه التانيه وعلشان اديها لون
وخبزتها ولما طلعت زوقتها بالجبنه واتفضلوا
الروابط المفضلة