فتة عجوز...طبخة اللي ملوش سنان الصغار والكبار

يا فتاح يا عليم يا رزاق يا كريم

على ها الصبح البنت فايقة تحلم بالعجايز وبالاسنان

معلش برضه ستاتنا الهم نصيب من طبخاتنا

هاي خصوصي لتاتا وههههههههه واللي بتحب طبعا تاكل معها

بنجيب لبن جميد

وبننقعو بمية سخنة وبنخفقة على الموليننكس

بنفت خبز ناشف

وبندير عليه اللبن اللي خفقنا مع مية سخنة عشان يطرى الخبز

وبنحركه بالمعلقة وهههههههه واذا زي زمان بالخمساوي يا ستات

هلاء بنجيب حبتين بندورة طريين وحمر ومستويييييييييين

وبنحرك ووبنخلط لتيجانس الخليط ويطرى الخبز وفينا نتركه على جنب شي ساعتين زمن بكون الخبز فشفش ونفش ويا حبيبي الطبخة تخمرت

وهلاء نسكب طبختنا العجايزية
وبرشة زيت زيتون وصحن زتون وشوية مقبلات مكابيس وبصلللللللللللل (اخخخخ) ومخمخووووووو

وفش داعي احكيلكو عن فوايدها لانه معبية فوائد

بروتين وكالسيوم ونشويات ودهون غير مشبعة من زيت والزتون
عنجد اكل زمان يا جماعة لا يعلى عليه

وامبارح يعني مسكت بناتي مسسسسك وهم رايحين جايين يسرقو من الطنجرة شي لقمة من هون وشي لقمة من هناك

وكتير انبسطو بتحضيرها خاصة انهم فتو معي الخبز وحركو اللبنات
اخخ خاصة اسولة يا لهوي شبعتتتتتتت لطش من الطنجرة

وطبعا تنسيش تبعتي لجاركو ولا لحماكي من هيك طبخة عشان يعرف انه كنتو ولا جارتو معدلة وست المعدلات
وبتعرف طبخات زمان

ااه نسيت احكيلكو انه هاي الطبخة كانو يعملوها زمان بهذا الوعاء
اسمه معجنة فخار

كانو يجيبو اللبن الجميد مع شوية مية ويضلهم يمعكو (يكحتو راس اللبن) بالمعجنة لحتى يدوب ويتكون خليط اللبن بس هلاء هدول المعاجن انقرضو وصارو الناس تستسهل استخدام المولينكس
وبعدين يفتو الخبز الناشف وينزلو بايديهم تحريك
وبعدين تبقو تسمعو صوت الملاعق يضرب بحفة المعجنة والاولاد ملتمين حوالين ستهم وبياكلهو من ها الطبخة العتيقة
(هذا وصف زوزي)

وهلاء لكم تحياتي واحتراماتي

الماسة

ام سوسو ولولو

يسلموا لموسة

وبما اني اول رد هدا الطبق الي



ويا ريت تسأليلي ادا بينفع تنعمل مع اللبن العادي.. وادا بينفع؟؟ شو لازم اضيف عشان يطلع بطعم اللبن الجميد؟؟

هههههههههههه ماسه شرح وافي وكافي يا بطه
يسلم ايديكي انا عن نفسي اول مرة بشوف هالوصفة
بس صراحة عجبتني وراح اعملها انا وابعت لستي منها
لانو انا من محبي اللبن الجميد

الله يعطيكى الف عافية يارب
وتسلمى على الوصفة الجميلة
والف هنا وعافية على قلوبكم يارب

يعطيكي العافية لموس ويسلموا ايديكي
ماحلى حكياتك هههههه ضحكتيني
وسهلة كتيرالوصفة بتنفع وقت الزنقات

سلمت يداكِ عزيزتي على الوصفه الطيبه

شو هالنشاط لموسة
طبق ولا احلى
يسلمووووووووو يا قمر

يسلمو ايديكي والله اكل اهل زمان ما في ازكى منو يعكطيكي العافية

يسلموا يا احلى واغلى ماسة
هالطبق في وقته
طيران ابعته لبعض الناس

موووووووووووووووواه
ابقي مري علينا هناك .. اشتقنا لك

يسلمو دياتك على طبق العجوز طبق صحي الف صحه