انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 29 1234511 ... الأخيرالأخير
عرض النتائج 1 الى 10 من 284

**موضوع متميز**ليه نشترى بقاله لما ممكن نعملها فى البيت؟؟؟متجدد مع Chahira!!!

(المقبلات والسلطات والشوربات والمشروبات - منتديات لكِ النسائية - الأرشيف)
...
  1. #1
    chahira's صورة
    chahira غير متواجد لمسة إبداع
    تاريخ التسجيل
    May 2006
    الموقع
    الاسكندرية - مصر
    الردود
    1,246
    الجنس
    امرأة

    المواضيع المتميزة **موضوع متميز**ليه نشترى بقاله لما ممكن نعملها فى البيت؟؟؟متجدد مع Chahira!!!


    صديقاتى العزيزات ..عاملين ايه؟؟؟؟
    عملنا عيش كتييييير ..تيجوا بقه نعمل ستندوتشات او حتى نغمس بيه.....
    البقاله بمفرداتها من الحاجات اللى بنصرف عليها كتير...يعنى ندخل و نطلع و احنا دافعين بالمئات...
    طب ليه ما نحاولش نعمل البقاله دى فى البيت.. و البقاله عاده بنفطر و نتعشى بيها...زى ايه؟؟؟
    جبنه
    فول
    لانشون
    مربى
    زبده فول سودانى
    كورن فليكس
    بسطرمه
    الخ الخ الخ
    طيب هحاول فى الملف ده انى استعرض طرق ناجحه لبعض مفردات البقاله...حاجات لو عملتوها فى البيت مش هتتعبوا اوى و كمان هتحسوا الفرق فى الجودة من اول مره.
    هبدأ انهارده بالجبن الابيض على طريقتى....
    و الجبنه يا كتاكيت من الحاجات اللى لما تدرسيها تحتارى فى امرها...يعنى مكونات واحده تقريبا فى كل مره بس الفرق فى التكنيك و الخطوات هو اللى بيفرق انواع جبن لا اول لها من اخر و اللى سافر فرنسا بلد الجبن و شاف هذا القدر الهائل من التنوع و تمعن فى الامر هيلاقى انها كلها بتصب فى مكونات واحده لا تتغير..لبن و منفحه و ملح و دى مكونات اساسيه
    انا اليوم سوف اتعرض لاسهل طريقه جبنه..مافيهاش اختراعات...
    بس فيه تنبيه هام ....اعملى حسابك انك لو دقتى طعم الجبنه دى مش هيرضيكى اى جبنه تانيه بتشتريها من عند البقال...
    يالا بينا
    المقادير
    1 كيلو لبن سايب من عند البقال او من الجاموسه او البقره مباشرة""ملحوظه هامه لبن الشتاء احلى من لبن الصيف و بينتج جبنه اكتر"
    تلت ملعقه منفحه سائله و ملعقه صغيره خل
    مكعب تلج
    ملح حسب الرغبه
    قرن فلفل حامى
    الطريقه
    فى اناء معقم يسخن اللبن حتى درجه 40 يعنى فاتر تقدرى تتحملى حرارته لو وضعتى اصبعك فيه
    فى طبق خارجى اذيبى مكعب التلج فى تلت ملعقه المنفحه
    و نزليهم فى اللبن و قلبى كويس جدا و غطيه... و حطيه فى الفرن و معاه حله ميه سخنه
    و بعد ساعه كده افتحى و اضغطى عليه بايديك ..هتلاقيه لازم يكون تجمد.
    بالسكينه اقطعى فى عمق القالب و هو فى الاناء على شكل خطوط متقاطعه و سيبيه قد 5 دقايق هتلاحظى ظهور اثر لمياه.
    افرشى دانتيل او قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحت حتى تتلقى السائل
    هذا السائل او الشرش ممكن تعملى بيه حاجات كتير...عملت بيه كيك و عملت بيه بشاميل كمان هنستخدمه لعمل محلول ملحى نخلل و نحفظ فيه الجبنه.
    السائل ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما
    طيب بعد ساعتين كده هتتصفى كل المياه من الجبنه و الوقت بيتوقف على مدى مساميه قطعه القماش اللى استخدمناها...طبعا فى معدات تانيه خاصه زى "السده" و الحصر و الباقوطى...لما نتوسع افرجهم لكم.
    ناخد الجبنه و نحط عليها ملح و نسيبها فى التلاجه ليله من غير غطاء
    تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج و هو ساخن على الجبنه و تحفظ بالتلاجه بعد ما تبرد.. و انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل...
    يالا بقه على الصور اللى هتشرح احسن منى....







    g]


    الصورة الاخيره بتوضح قالب الجبن اللى صنعته باستخدم قالب من الخوص و يعمل ايضا بمثابه مصفاه لتكوين الجبن و بيعطى زركشه جميله للقالب
    اسمه الباقوطى و تعرفت عليه من خلال ام واحده جارتى من محافظه كفر الشيخ و بيستخدموه لصناعه جبن بيطلقوا عليه جبنه بخيره... و طبعا لو لفينا محافظات مصر كلها هنتعرف على ادوات مختلفه كانت بمثابه دهشه كبيره بالنسبه لى و ده بسبب التنوع العجيب و الاختلاف فى الادوات و الغريبه ان و لا محافظه عندها فكره عن اسلوب المحافظه الاخرى حتى و لو كانت جارة ليه ...امنيه حياتى الف مصر و بلادها كلها و استكشف طرق الخبز و العيش و ده لانى طول عمرى عايشه فى المدن الكبرى بلعناتها و رتابتها سواء كانت القاهره او الاسكندريه.
    يالا مين هيستضيفنى و ينظم لى رحله كلها تراث؟؟؟؟؟


    تابعونى -------بسطرمه!!!




    لكم ارق تحياتى.....






    يالا مين هتتطوع و تعمل السندوتشااااااااات...
    آخر مرة عدل بواسطة حنان(البحرين) : 10-03-2009 في 10:26 AM

  2. #2
    shahed_hamza's صورة
    shahed_hamza غير متواجد عضو نشيط
    تاريخ التسجيل
    Jan 2009
    الموقع
    هون
    الردود
    129
    الجنس
    امرأة
    والله شكلها طيبة
    يعطيكي العافية
    بدي جربها بس ما بعرف شو هي المنفحة

  3. #3
    chahira's صورة
    chahira غير متواجد لمسة إبداع
    تاريخ التسجيل
    May 2006
    الموقع
    الاسكندرية - مصر
    الردود
    1,246
    الجنس
    امرأة
    بصى يا ستى المنفحه دى جزء من معده العجل..بس طبعا اصبح هناك مستخلصات كيميائيه شبيهه
    هتلاقيها فى الصيدليه او عند معامل الالبان.
    و ميرسى يا شهد و مبسوطه انها عجبتك.

  4. #4
    ام هيا وحارث's صورة
    ام هيا وحارث غير متواجد النجم الفضي
    تاريخ التسجيل
    Aug 2008
    الموقع
    مصر
    الردود
    1,752
    الجنس
    أنثى
    تسلم ايدك يا شهيرة الجبنة رووووووووووووووووووووووعة
    ماشاء الله عليكي شكلها مغري ويمممممممممممي
    بالنسبة للمنفحة هنا لو سالت عليها في الصيدلية مش عارفة اذا كانت من الخنزير ولا لا
    واللبن هنا بنشتريه مبستر هل لازم يكون طازة
    لكن الف شكر علي معلوماتك الثمينة
    عايزة اسالك الملف ده خاص بك وبوصفاتك ولا ممكن نشارك معاكي
    معلش بتقل عليكي في الاسئلة اصل انا من هواة عمل اي شئ في البيت
    آخر مرة عدل بواسطة ام هيا وحارث : 10-03-2009 في 02:25 AM

  5. #5
    الاصــيل's صورة
    الاصــيل غير متواجد النجم الفضي
    تاريخ التسجيل
    Dec 2004
    الموقع
    مـــــــــ بين المدينة المنورة وينبع البحر ـــــدنية
    الردود
    2,218
    الجنس
    أنثى
    جزاك الله خير

    تسلم ايديك

  6. #6
    asma_m81's صورة
    asma_m81 غير متواجد مشرفة ركن التصوير
    تاريخ التسجيل
    Oct 2005
    الموقع
    بين أحلامي وطموحاتي
    الردود
    8,754
    الجنس
    أنثى
    التكريم
    (أوسمة)

  7. #7
    roza1's صورة
    roza1 غير متواجد طباخه ماهره "لمسة إبداع"
    تاريخ التسجيل
    Dec 2006
    الموقع
    مصر
    الردود
    5,296
    الجنس
    امرأة
    تجنن تجنن يا شهيرة
    تسلم ايدك
    يا ريت تحطي طريقتها في الفيس بوك بالصور

  8. #8
    chahira's صورة
    chahira غير متواجد لمسة إبداع
    تاريخ التسجيل
    May 2006
    الموقع
    الاسكندرية - مصر
    الردود
    1,246
    الجنس
    امرأة
    تعقيب كتبت بواسطة ام هيا وحارث عرض الرد
    تسلم ايدك يا شهيرة الجبنة رووووووووووووووووووووووعة
    ماشاء الله عليكي شكلها مغري ويمممممممممممي
    بالنسبة للمنفحة هنا لو سالت عليها في الصيدلية مش عارفة اذا كانت من الخنزير ولا لا
    واللبن هنا بنشتريه مبستر هل لازم يكون طازة
    لكن الف شكر علي معلوماتك الثمينة
    عايزة اسالك الملف ده خاص بك وبوصفاتك ولا ممكن نشارك معاكي
    معلش بتقل عليكي في الاسئلة اصل انا من هواة عمل اي شئ في البيت
    اهلا ام هيا و حارث...يا ريت والله تساهموا معايا و بالذات انى كنت كده كده كنت هحط لينك لوصفه الزبادى بتاعك و كنت هزود عليه اللبن الرايب...يا ريت كل اللى يقدر يثرى الموضوع يزود و يساعدنى.
    و بالنسبه للمنفحه اسألى و اكدى على انها ما تكونش خنزير
    اسالى كمان على rennet و عندك كمان مزارع حيوانات ممكن تسألى فيها عن لبن طازة هتلاقى ناس كتير عندك هاويه.
    و ربنا يوفقك و يالا شدى حيلك و نفسكم معايا.

  9. #9
    chahira's صورة
    chahira غير متواجد لمسة إبداع
    تاريخ التسجيل
    May 2006
    الموقع
    الاسكندرية - مصر
    الردود
    1,246
    الجنس
    امرأة
    تعقيب كتبت بواسطة الاصــيل عرض الرد
    جزاك الله خير

    تسلم ايديك
    تسلمى حبيبتى الله يخليكى

    تعقيب كتبت بواسطة asma_m81 عرض الرد
    الله يسلم هالابادي يارب

    بارك الله فيكي ....
    الله يسلمك حبيبتى تسلمى
    و بارك الله فيكى يا رب

  10. #10
    chahira's صورة
    chahira غير متواجد لمسة إبداع
    تاريخ التسجيل
    May 2006
    الموقع
    الاسكندرية - مصر
    الردود
    1,246
    الجنس
    امرأة
    تعقيب كتبت بواسطة roza1 عرض الرد
    تجنن تجنن يا شهيرة
    تسلم ايدك
    يا ريت تحطي طريقتها في الفيس بوك بالصور
    تسلمى يا روزا يا رب
    ياعم الفيس بووك يا عم !!
    ده انا مكسله احطها على البلوج هحطها على الفيس بووك كمان؟؟؟؟
    لما ربنا يسهلها يا روزا
    ميرسى و مبسوطه انها عجبتك

مواضيع مشابهه

  1. الردود: 6
    اخر موضوع: 20-04-2013, 09:40 PM
  2. جبت لكم موضوع رائع لخاطر عيونكم __ متجدد __** متميز**
    بواسطة آمال غير في حصاد ركن التغذية والصحة
    الردود: 83
    اخر موضوع: 28-03-2010, 03:56 AM
  3. شعار ♥موضوع متميز وصفات الحلويات الجزائرية الي كنت حطيت صورها ** موضوع متجدد **
    بواسطة مهاجرة إلى ربي في الحلويات والكب كيك والكيك وحلويات العيد
    الردود: 52
    اخر موضوع: 29-11-2008, 01:26 PM
  4. خلاص بطلنا نشترى سمبوسك جاهز هنعمله فى البيت
    بواسطة أم العبادله في المعجنات والسندويشات والفطائر والخبز
    الردود: 4
    اخر موضوع: 20-06-2002, 06:30 AM

أعضاء قرؤوا هذا الموضوع: 0

There are no members to list at the moment.

الكلمات الاستدلالية لهذا الموضوع

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96