السلام عليكم ورحمة الله وبركاته
استخدامنا في صلصة الطماطم كبير جدا لدرجة انها تكون احيانا من المؤن الاساسيه بالبيت وافضع حاجه انك تبينها بسرعه وما تلقينها يعني خلصت
عشان كذا عندي طريقه تعوضك عن الصلصه وهي
المقادير:
طماطم مطحون بالكميه اللي تبينها
زيت
ملح
الطريقه:
ضعي
طبقه خفيفه من الزيت في قدر على النار واجعليه يسخن بعد ذلك اسكبي على الزيت الطماطم المطحون وقلبيه وغطيه حتى يغلي وكل فترة قلبيه حتى لا يحترق وعندما يغلي اجعلي النار هادئه جدا واتركيه حتى يثخن ويطفح الزيت على الوجه بذلك تكون انتهت الصلصه ذوقي ملحها واذا كانت تحتاج ملح املحيها واتركيها حتى تبرد تماما وبعد ذلك ادخليها في آنيه قابله للدخول بالثلاجه ولها غطاء واسكبيه فيها وادهني وجهه بزيت الزيتون وضعيه بالثلاجه وكلما احتجت اليه خذي منه وامسحي الغطاء اذا وجدت به ماء
اما اذا كنت تريدين كميه قليله فقللي الطماطم
صدقوني امي تسويها وتصير نفس الصلصه وجيدة بعد
انا اسويها اذا جاب ابو الشباب طماطم ليين كثير عشان حرام ينكب
وسلامتكم ان شاء الله تعجبكم
الروابط المفضلة