ولعيون أثورة الحلوة جبنا طبق جميل
فيش ناجتس
بطريقة مختلفة شوية
ان شاء الله يعجبها ويعجبكم
وكمان لعيون حبيبتى بيبى مورو
و
فى الاول تقشرى بطاطس وتسلقيها وتصفيها
وتجيبى قطع من السمك الفيليه ضعف كمية البطاطس
نجهز حبة مستكة وورق غار او ورق لورا
وفى طاسة على النار نضيفهم على كوب لبن حليب ونخليه يغلى
ولما يغلى نضيف قطع السمك الفيليه تتسلق فى اللبن لمدة 5 دقايق بس
وبعدين نصفيه من اللبن ونضيفه على البطاطس المسلوقة
نهرسهم بالشوكة سوا
ونضيف عليهم كزبرة خضرا وشبت أو بقدونس << زى ما تحبى
وملح وفلفل اسود
ونشكلهم براحتنا اما ناجتس او كرات
انا مرة عملتهم ناجتس ومرة كرات
هنا بقطاعات الكوكيز
وبعدين فى الثلاثى المرح بتاعنا .. دقيق وبعدين بيض وبعدين بقسماط
وندخلهم الفريزر نص ساعة وبعدين نقليهم فى الزيت
ويلا استمتعوا بالصور الكتير
الروابط المفضلة