السلام عليكم ورحمه الله وبركاته
عملت قبل يومين كم طبق بزيت الزيتون وحبيت اشارك فيهم
صحن فول مدمس
علبه فول او اذا كان معمول بالبيت
فص ثوم مفروم ناعم
حبه بندوره مفرومه ناعم
ملح وفلفل
وزيت زيتون
نحوس الثومه والبندوره بزيت الزيتون حتي يدبل علي نار هادئ وبعدين نضيف الفول مع رشه كمون وخليها لما تغلي وبعدين نهرسها خشن مش ناعم ونضيف الليمون والملح نضيف زيت الزيتون علي الوجه ويقدم
بيض عيون مقلي ممممم
عدد 2 بيض بالنسبه لعائلتي كان كفايه بس البحب يزيد يزيد يقلي بزيت زيتون ويرش علي الوجه شويت فلفل اسود وملح
بطاطا مهروسه
بطاطا مهروسه بالزيت الزتون كمان بس علي طريقتي
اول شئ بسلق البطاطا انا بسلقها وانا مقشرتها ومقطعتها بالنصف اذا كانت كبيره مع فص ثوم وشويت كمنون وبعد ما تستوي منيح بصفيها من الماء وبضيف حليب خالي الدسم سائل طبعا وزيت زيتون انا عمري ما استخدمت كريمه وزبده في عملها وبخليهم يغلوا شوي وبعدين بضيف الكمون والفلفل والملح والكزبره الناشفه المطحونه وشويت باربيكيا حلوه وبهريسهم طبعا مع الثومه المسلوقه معها وبضيف كمان شويت زيت زيتون وانا بهرس فيهم بس هم بكونوا علي الواطي وبعدين بصبهم في صحون التقديم وبزينهم بالزيت الزيتون والكزبره الخضرا
وزيت زيتون
ان شاء الله يكون عجبكم اطباقي المتواضعه
الروابط المفضلة