سؤال لخبيرات المش؟؟؟

**إكليل الزهــور** · 24-03-2010, 12:49 PM

السلام عليكم ورحمة الله وبركاته

كيفكم لو سمحتو بدي طريقة عمل المش علي الطريقة الفلسطينية
الي هو بيتكون من اللبن السائل والملح والفلفل الاخضر والحلبة
ياريت تكتبولي المقادير بالظبط

واشكركم

**وعود الخير** · 24-03-2010, 02:42 PM

تكرم عيونك
راح اكتب لك طريقتي وبعدها اشوف لك الروابط

بسم الله

لبن سائل او زبادي (شخصيا باستعمل الزبادي)
ملعقة كبيرة حلبة محمصة (بتكون اطيب)
ملح حسب الرغبة - فلفل أخضر وحبة خيار مقطعة (بتعطي حموضة)
في ناس بتحط قطع ليمون

بتخلطيها في مطربان وبتتركيه في مكاني دافي
انا ما باصبر اكتر من 3 ايام وببلش اسحب منه

وصحتين وعافية يا جنى

**إكليل الزهــور** · 24-03-2010, 04:41 PM

يسلموو حبيبتي وعملته قبل ساعة
اتصلت علي ماما وحكتلي تقريبا نفس طريقتك
وفيني اخلط لبن سائل مع زبادي حكتلي
بس انا عملت لبن سائل وحسيته بيشهي
ومش هاقدر اصبر عليه لبكرة علي العشاء هاكل منه ان شاء الله
بس انا سلقت الحلبة بشوية مية
وحطيت ملعقة ونص كبيرة ملح لليتر اللبن
وطلع منيح الحمدلله وملعقة ونص كبيرة حلبة مسلوقة وحطيت 3 قرون فلفل اخضر حار وقطعت حبيتن مخلل خيار عليه

وكمان لقاء المحبة حكتلي تقريبا نفس طريقتك الله يخليكم والله اخلي اخوات انتم
جزاكم الله كل خير

**أم سعاد** · 24-03-2010, 05:46 PM

تسلمووووووون علي الطريقه اللي بتجوووووووووووووووع

**وعود الخير** · 25-03-2010, 09:28 AM

صحتين وعافية يا جنى

على فكرة انا البارحة عملت مطربان صغير
وبدي استنى كم يوم علشان الجو بارد

**د.سوسن** · 25-03-2010, 10:04 AM

ست الكل ما قصرت
ممممممممم
مشهي

**إكليل الزهــور** · 25-03-2010, 11:30 AM

كتبت بواسطة وعود الخير

صحتين وعافية يا جنى

على فكرة انا البارحة عملت مطربان صغير
وبدي استنى كم يوم علشان الجو بارد

هههههه شوفتي يعني شهيتك عالمشات وشجعتك تعملي

وانا كمان بدي استني يومين امبارح اكلنا منه بيشهي بس لسة ما اخد بالطعم

شكلنا هنسحبه قبل ما نستني

صحتين وعافية حبيبتي ويسلمو كتثير ياقمر

**79nana** · 27-03-2010, 12:39 PM

ياعيني ياعيني على المش انا ما اعرفه بس ياريت الي تعمله تصوره لنا عشان نعرفه كويييييييييييييس ونطبقه من تحت ايدياتكم تحياتي لكم

**وعود الخير** · 27-03-2010, 01:04 PM

ان شاء الله بس يمشش مزبوط اصوره
انا كتير بحب اضيفه على سلطة البندورة وزيت الزيتون

خلاص ..اليوم بدي اجازف وافتح المطربان أشوف شو الأخبار

جنى .... شو صار معك ليكون قضيتي ع المش قبل ما يمشش (على قولة حماتي)

**إكليل الزهــور** · 27-03-2010, 01:18 PM

كتبت بواسطة وعود الخير

ان شاء الله بس يمشش مزبوط اصوره
انا كتير بحب اضيفه على سلطة البندورة وزيت الزيتون

خلاص ..اليوم بدي اجازف وافتح المطربان أشوف شو الأخبار

جنى .... شو صار معك ليكون قضيتي ع المش قبل ما يمشش (على قولة حماتي)

ههههههه وعود لا لسة ضايل شوية من المرطبات بس كتثير طيب
هاصوره وانزل الصورة ان شاء الله
لانه طعمه خيال بالذات مع الخبز المحمص يمي يمي يمي
وانا كمان باقطع عليه بندورة وبرش زيت زيتون

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: سؤال لخبيرات المش؟؟؟

أدوات الموضوع

العرض