دي سلطه شفتها في موقع و عجبتني سويتها و رح احط المقادير و المكونات زي ما حطتها صاحبة الموضوع بعد كدا احط الصور زي ما انا سويتها:


كاسة خس مقطع طوال
حبتين جزر مبشورة
علبة ذرة
علبة جبنة كرفت متوسطة ومبشورة
علبة تونة مهروسة بالشوكة
وحدة خيارة مبشورة

الصوص:

علبة لبن زبادي
4 ملاعق لينة
ملعقتين مايونيز
عصير ليمون وحدة
ملعقة صغيرة ملح

ملحوظة:
الشبس ضروري جدا في السلطة دي لايمكن الاستغناء عنه
شيبس دوريتوس اي نكهه تحبوها انا اجيب بالجبنة دايما

الطريقه:

جيب صحن مفرطح كبير

انحط اول طبقة الخس بعدين بعدين الجزر المبشور فوقوا

بعدين الجبنة المبشورة

بعدين الذرة فوق الجبنة

بعدين التونة

واخرطبقة كمان شوية جزر وخيار مبشور

وبعدين نجيب مقادير الصوص ونخلطهم في الخلاط مع بعض ونصبهم فوق السلطة ونفتت فوق الصوص شبس دوريتوس ونزين الصحن من الاطراف بالشبس

صوري::

المكونات بس ما حطيت تونه لانو قبلها بيومين سويت سلطه فيها تونه...

هي كان شكلها احسن من كداا بس دي تجميع صحينينيعني الباقي من الصحنين حطيناه في صحن و بعد كدجا صورتو ...



و بالهناء و العافيه

تسلم يدينك يالغلا
فتحتي شهيتي
هههههههههههههههههههههههه
باطالبك تسويلي

سلطة روعة و شكلها يشهي
تسلم إيديكي و تسلمي و يعطيكي العافية يا رب

كل الشكر لك ولصاحبة الموضوع
سلطة شهية وطيبة

ماشاء الله روووعه

بالعافيه عليكم...

جربوها ترى رهييييييييييييييييييييييييبه....

سلمت يداكي انتي و صاحبه الموضوع
شكلها مشهي
يعطيكي العافيه

روعة

تسلم الايادي روووووووعة

الله يسلمكم ...

يالله اللي تجربها ترسل لي على الخاص تجربتها ...

و الصوص ترى خرافه و ينفع كمان اننو نستخدمو بس للتغميس رهييييييييييييب