اليوم حبيت قدم مجموعة من العصائر الطبيعية المنعشة بشهر رمضان الخير
ما بيخفى على حدا الفائدة والقيمة الغذائية يلي بتحويها مجموعة هالعصاير وضرورتها لجسم الإنسان وخاصة وقت الصيام
بتمنى أنو تنال إعجابكم وتستفيدو منها
عصير التمر الهندي
من العصائر اللذيذة بشهر رمضان
وتحضيرها من أسهل ما يكون
نحتاج بشكل تقريبي
250غ تمر هندي بدوون ملح
ما يعادل ليتر ونصف من الماء
سكر حسب الرغبة مُذاب مع كأس ماء
نضع التمر الهندي مع الماء على النار حتى يسخن
ثم نطفئ النار ,ننظره حتى يبرد ثم نقوم بعصره وتصفيته بواسطة منخل ناعم جداً
نذوب سكر مع كأس من الماء ونضيفه لعصير التمر الهندي
ويُقدم بارداً
شراب قمر الدين
نحتاج إلى لفة قمر الدين مقطعة
ماء ساخن تقريباً 1 ليتر
تُنقع شرائح قمر الدين بالماء الساخن ليلة كاملة
في اليوم التالي يوضع مزيج قمر الدين والماء بالخلاط ويُضرب مع إضافة القليل من الماء والسكر لو بتحبو حلو
عصير الرمان المنعش
من العصيرات المفضلة عندي
نحتاج إلى رمان مقشر فقط
القليل من الماء ,عصير ليمون ,سكر حسب الرغبة
نخلط المكونات وتُصفى بمنخل نااعم جداً
الصورة غامقة شوي المفروض يكون لونه أفتح من هيك
الجزء الأبيض من الرمان بيعطي نكهة مميزة
لوحبيتو تفرطو الرمان وتعصرو حب الرمان بس كمان بيطلع طيب
عصير التوت والفريز
نحتاج إلى كمية من الفريز المتلج تقريباً نصف كيلو
كأس من عصير التوت الجاهز
فنجانين سكر
ماء بارد
تُخلط جميع المكونات ويُقدم بالهنا والعافية
صراحة هالعصير كتير طيب ومنعش برمضان وغير رمضان
عصير الدراق والبرتقال
نحتاج لـ
كمية من الدراق (الخوخ)وضعفها برتقال
سكر حسب الرغبة
ماء بارد جداً لتخفيف العصير
ولو متوفر خلاط بيكسر التلج ممكن نستخدم مكعبات التلج بدل الماء بيطلع منعش أكتر
ملاحظة هامة
بعصيرات التمر الهندي وقمر الدين والرمان ممكن إضافة ماء الورد وماء الزهر حسب الرغبة
وصحتين وهنا يا رب
وينعاد عالجميع بالصحة والسلامة
الروابط المفضلة