كيفكم غالياااتي ... ان شاء الله كل أموركم تمام التمام
كل عام وانتم بألف خير حبيباتي
الاسبوع اللي فات كان عندي عزيمه
ومن الحلى كان فيه سلطة فواكه
أنا كنت قدمتها في موضوع قديم في ركن الحلويات
بنفس المكونات والمقادير تقريبا
عملت هالسلطه الجديده
لكن الجديد هو طريقة التقديم
عربة سلطة الفواكه
طريقه شفتها في النت .. لكن في الموضوع استعملوا البطيخه
وأنا استعملت الشمام << ما قدرنا نلاقي بطيخه منيحه في منطقتنا
اتفضلوا على الخطوات يا قمرات
بعد ما قسمنا الشمامه
نبدأ نفرغها من اللب ... انا حطيت شويه منه
في السلطه .. والباقي كان انهرس شوي فرزنته أعمله منه حلى تاني
من القطعه الصغيره اللي قسمناها
نقطع قطعه على شكل حدبة الحصان
ونعلقها على أطراف الشمامه
انا استعملت أسياخ خشب في التثبيت بعد ما كسرتها للحجم الذي أريده
وممكن تستعملي أعواد الأسنان (خلة الأسنان)
طبعا التزيين يرجع لذوقك انت
انا ثبتت قطع من الفراوله على أطراف الكشكشه من فوق
وللعجلات عباره عن حبات من العنب مثبته على شرائح برتقال
انا عندي البرتقال كان خلص فاستعملت الليمون
طبعا ممكن تستغني عن مسكة العربه
انا عندي كانت المشكله انه الشمامه صغيره
لو انها اكبر أو لو انه استعملت بطيخه أكبر كانت راح تكون أحلى من هيك بكتير
حطيها في الثلاجه لحين وقت التقديم
بس واملئيها بالسلطه وقدميها بألف صحه وهنا
صوره مع الصحن الكبير
صبايا انا أعطيتكم الفكره
وكتير حلوه في التطبيق
بس اختاروا الحجم يكون أكبر من هيك
ولو تكون بطيخه بتكون كتييييييييييييييير أفضل
ومن الممكن كمان ما تفرغوها على الأخير .. يعني اقطعوا الشكل
وثبتوا فيها أسياخ فواكه مغمسه بالشوكولاه كمان حلوه كتير للتقديم
ان شاء الله المره الجاييه اجرب أعمل هالطريقه
ان شا ءالله تكون الطريقه عجبتكم يا قمرات
وما تنسوني وعائلتي من داعائكم
كل عام وانتم بألف خير حبيباتي
الروابط المفضلة