السلام عليكم ورحمة الله وبركاته
دي مشاركتي الجديدة والاخيرة في مسابقة المقبلات الاكثر من رائعة واللي بجد فادتني كتير وحبيت اضيف مقبلات كتكوتة كده معروفة للجميع بس بتكون لطيفة وسهلة اويييي.
عملت فيها سندويتشات صغيورة وبسيطة بالتوست تنفع في الريسبشنز وكده يعني وكمان الاطفال بيحبوها اوي
المقادير
توست منزوع الاطراف (ثلاث شرائح لكل شطيرة)
بصل احمر وقطع شرائح وانا بدعكه بشوية ليمون صغيرين وده اختياري
مايونيز للدهن
كاتشب
شرائح طماطم مرشوشة بقليل جدا من الملح
خس
مايونيز للدهن
كاتشب
بيض مقلي اومليت بالطريقة العادية ومبهر ومقطع حسب حجم شريحة التوست بعد نزع الاطراف
لانشون مقطع حسب حجم شريحة التوست بعد نزع الاطراف
اعواد اسنان
الطريقة كما بالصور
تنزع اطراف التوست ونضع الشريحة الاولى وندهنها مايونيز ونضع عليها اللانشون والبصل والطماطم ثم شريحة اخرى ندهنها كاتشب وعليها البيض والخس ثم في النهاية الشريحة الثالثة ونضغط عليها وننقطعها مثلثين ونثبتها باعواد الاسنان ونقدمها وبتكون فعلا شهية وروعة وشيك وبسيطة وده الشكل.
توست الجبن المحمص
وده مجرد توست رده او ابيض حسب الرغبة وجبن رومي ونضع شريحة التوست ونغطيها بالجبن الرومي ثم شريحة اخرى وندخلها ماكينة السندويتش ميكر وده بيكون شكلها وبجد مفيش اسهل ولا اطعم منها بس بيستحسن تقدم ساخنة مباشرة بس لو بردت بتكون برضه حلوة
قطايف التوست
دي ابتكرتها عشان اولادي زي ما في الصورة بقطع التوست دائري بحجم ماكينة غلق القطايف واحشيها جبن بزيون او جبن سائل شيدر او مربى توت حسب الرغبة بس هيه دي الحشوات اللي استخدمتها ونظغط عليها بالماكينة وتصف في الطبق وتقدم وبجد جربوها بالكرافت مع اولادكم هياكلوها بسهولة من غير تعب.
ودي مقبلات قديمة اوي من ايام ريسبشنز المدرسة فاكرينها اكيد، مقاديرها بيض مسلوق مقطع نصفين بالطول ومايونيز حسب الرغبة انا بستخدم ملعقة كبيرة وده بيكون حسب كمان المقدار وفلفل ابيض وعصير 1/2 ليمونة.
يقطع البيض كما بالصورة وينزع الصفار ويهرس ويضاف له المايونيز والليمون والفلفل الابيض ونضعها بكيس الحلواني ونزين بها بياض البيض بالطبق كما بالصورة ونزين الطبق ونضع على كل خليط صفار دائرة من الزيتون الاسود وتقدم باردة او عادية بتكون حلوة اوي وشيك كمان.
انا عملت في الصورة الشيكولاته وممكن تغيريه النكهة فراولة او مانجو او فانيلي بتغيير نوع الايس كريم للنكهة المحببة ليكي وبيتقدم فورا وبيكون منعش في الصيف والاولاد بيحبوه وبيشربوا اللبن بسببه.
كوب لبن بارد يحتاج 4 ملاعق ايس كريم من ملعقة الايس كريم نفسها وملعقة سكر او اكتر حسب الرغبة او بدون سكر وانا بحبه كده اكتر ويضرب في الخلاط جيدا انا عملت ميلك شيك شيكولاته فاستخدمت ايس كريم شيكولاته ويصب في الاكواب ويرش عليه قليل من الشيكولاته ويقدم.
الصيف يمكن الفراولة فيه مش متوفرة بس دايما الفروت سلاد صحية وملطفة
استخدمت الفاكهة المتوفرة عندي:
كيوي مقطع مكعبات ، برقوق اصفر مقطع، موز شرائح ومضاف له عصير برتقاله لكي لا يتغير لونه، تفاح مقشر ومقطع مكعبات ومضاف له عصير برتقاله ايضا، عنب احمر، اناناس مقطع
تخلط جميع الفواكه المقطعة ويضاف ملعقة سكر او لا حسب الرغبة وتدخل الثلاجة ثم نقدمها في كاسات وبيكون شكلها مش محتاج تزيين وطعمها رائع دوما وممكن طبعا اضافة ايس كريم عند التقديم حسب الرغبة.
الروابط المفضلة