السلام عليكم ورحمة الله وبركاته
كيفكم يا حلوين وحشتونييييى
النهاردة هاقولكم علي طريقة الطعمية المصرية المحشية وكمان معاها فول يجنن
مبدئيا اعذروني لان في صورضاعت مني ان شاء الله ما تعمل فرق
بسم الله نبدا
المكونات
عجينة طعمية انا اشترتها جاهزة
بصل وفلفل رومي شرايح وشطة خضراء وطماطم مكعبات
سمسم وكسبرة جافة مطحونة خشن
الطريقة
شوحي البصل والفلفل والشطة في معلقتين زيت وبعدين ضيفي الطماطم ورشة ملح بكمون
واتركيهم يتسبكوا
كده خلاص اتسبكوا
خدي نصف التسبيكة دي واضربيها في الخلاط مع ربع كوب ماء وضيفي عليها الفول
احيانا بضيف للخلطة دي فصين توم واحيانا لا عندي بيحبوها بدون توم
وضيفي له الملح والكمون والفلفل الاسود ويتسبك شوية مع التتبيلة
وكده خلصنا الفول
نيجي للفلافل المحشية
خلي بجانبك طبق به ماء وكل شوية بلي اييدك عشان تسهل التشكيل
خدي شوية عجينة في ايدك والصقي علي ناحية منها سمسم وكسبرة
وبعدين بالمعلقة حطي شوية من التسبيكة
وبععدين حطي فوقها عجينة تاني والصقي الطبقتين ببعض هتلاقي لصقها سهل
وبعدين اقليها في زيت غزير وساخن واول ما تضعيها في الزيت هدي النار علشان تستوي كويس
وخلصت الطعمية
وادي الاتنين مع بعض
يارب يكونوا عجبوكم
الروابط المفضلة