يابنات حماتى اديتنى (زلعة) مش يعني جبنة بمش .... وقالتلى حطيها في البلاكونة وقالتلى بلاكونت بيجي عليها شمس ومكملتش كلامها ...ياترى مفروض يكون بيجي ولا مفروض لا؟؟يعني احطها في الضلة ولا في الشمس؟؟وانا عندي قبل كده كام حتة جبنة قديمة احطهم في الزلعة الجديددة ولا تبوظ؟؟؟؟وبعدين عايزة اسالكم عن حاجة في في مرة اديتني الجبنة القديمة ديه سايحة خالص اجي امسك الحتة الاقيها اتفرفتت في ايدي .............. كانها عاملة زي المية اهو هاشة كده زي الكريمة ...يبقي كده وحشة؟؟؟(انا سمعتها بتقول كلمة ممششة؟؟) بلاش اكلها او احطها في الزلعة يارب حد يرد عليا بسرعة لانى خايفة للجبنة تبوظ

كان نفسى افيدك يا مشمش ...ان شاء الله البنات يفيدوكى ...

طيب ما تكلمى حماتك و تساليها !!!!!!

و لا خايفة لا تقول عليكى ست بيت مش شاطرة هههه

اوعى تزعلى بهرج معاكى يا جميل....

ان شاء الله الاخوات المصريات يفيدوك ويساعدوك
لاني مع الاسف ما عندي فكرة عن نوع الجبنة اللي ذكرتيها

جزاكم الله خير يابنات ..يارب الاقي حد يساعدنى
نور تقية
انا مش عايزة اسالها لسبب بسيط ان حماتى مبتسمعش كويس ثانيا عقبال ما هتقولى الاجابة رضه مش هافهمها ...هي مبتعرفش تقول الاجابة علي طول ومبتعلمش كويس
يعين من الاخر مش هاعرف اتعلم منها حاجة

كتبت بواسطة meshmesh_2005

جزاكم الله خير يابنات ..يارب الاقي حد يساعدنى
نور تقية
انا مش عايزة اسالها لسبب بسيط ان حماتى مبتسمعش كويس ثانيا عقبال ما هتقولى الاجابة رضه مش هافهمها ...هي مبتعرفش تقول الاجابة علي طول ومبتعلمش كويس
يعين من الاخر مش هاعرف اتعلم منها حاجة

ربنا يسهل و حد من البنات يفيدك فى الموضوع ده .....

مشمش لو جبنة المش ممششة يعني بايظة وتقدري تدوقي منها فتفوتة وانت تعرفي
لو بتلسع او حامضة حيبان في الطعم
ولو عندك جبنة قديمة حطيها على الجديدة عادي وجيبي دوكار ولفيه في شاشاة وحطيه مع المش
الدوكار بيتباع عند العطار - تحطي ملعقة صغيرة ما تكتريش علشان ما يغيرش الطعم وده علشان يمنع الدود
ولو ان دود المش ما فيش حاجة بتقدر عليه
أما بلاص المش فعلا كل الناس بيحطوه في البلكونة بس مش عارفة حكاية الشمس دي حأبقى أسألك
بس المهم الزلعة او البلاص يكون متغطي كويس

ستنى كده واحدة واحدة ... دوكار ده بيتجاب منين؟؟
ثانيا هي مقلتليش احط دوكار ولا حاجة
هي قالت حطية في البلاكونة
ثانيا بتقولى الفه يعني ايه الفه والفه في ايه؟

السلام عليكم ورحمة الله وبركاته
شوفي يقي يا ستي الشمس حلوة جدا للجبنة القديمة وبتحليها لكن لو مفيش شمس مش مشكلة
وبلاش تحطي عليها جبنة تاني احسن تفسدها
وبالنسبة لان الجبنة سايحة هي مش فاسدة فده بيقي من ان المش بتاعها حامي يعني بيسوي الجبنة بسرعة او بياكلها\ او هي لم تترك في الملح لمدة كافية قبل اضافتها للمش لو مفيش منها ريحة وحشة فهي كويسة كليها عادي

نتابعكم غالياتى للإستفاده


جزاكم الله كل خير روزا و كليوبترا

جزاكى الله خير يا كليوبترا
ايوة كده فهمتيني انا كنت هاتجنن وخفت للجبنة تبوظ مني
هاقوم بقي احطها في الشمس
وهاستني كده لو حد يعرف تاني يزودنا بمعلومات بخصوص لفها...؟؟؟؟